U Słucku niećviarozaha kiroŭcu Audi milicyi daviałosia zatrymlivać sa stralboj, amal jak u pryhodnickim bajeviku, jak paviedamiła UUS Minabłvykankama.
Pačałosia ŭsio z taho, što ŭ słuckuju milicyju amal adnačasova patelefanavali niekalki miascovych žycharoŭ, jakija paviedamili, što bačyli aŭtamabil, jaki vichlaŭsia pa darozie. Tyja, chto telefanavaŭ, vykazali zdahadku, što kiroŭca byŭ pjany.
Narad DAI, jaki vyjechaŭ pa vykliku, zaŭvažyŭ Audi, jaki pa prykmietach padychodziŭ pad apisańnie. Patrabavańni milicyjantaŭ ab spynieńni kiroŭca praihnaravaŭ i pasprabavaŭ uciačy. Aŭtamabil vichlaŭ, parušaŭ chutkasny režym i stvaraŭ niebiaśpieku dla navakolnych.
Parušalnika ŭdałosia spynić, prastreliŭšy ŭ jahonaj mašynie koły. Vyjaviłasia, što za rulom siadzieŭ 23-hadovy mužčyna biez pravoŭ na kiravańnie mašynaj, u kryvi jakoha vyjavili 2,2 pramile ałkaholu. Raniej jon užo pryciahvaŭsia da adkaznaści za padobnyja parušeńni.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary