Ź vinavatych u DTZ spahaniajuć hrošy za vyklik chutkaj i lačeńnie paciarpiełych
Stała viadoma pra niekalki vypadkaŭ, kali vinavatyja ŭ DTZ biełarusy apłačvali vyklik chutkaj da miesca avaryi i lačeńnie paciarpiełych, jak zaŭvažyła vydańnie Blizko.by.
U Hienprakuratury adznačajuć, što č. 4 art. 4.1 KaAP abaviazvaje pravaparušalnika pakryć škodu, pryčynienuju jaho dziejańniami. U viedamstvie ŭziali na kantrol svoječasovaje i poŭnaje spahnańnie ź vinavatych DTZ hrošaj na karyść miedyčnych ustanoŭ. I viadomyja vypadki, kali sapraŭdy tak robiać.
Tak, u Minsku mužčyna kampiensavaŭ 800 rubloŭ na patrabavańnie prakuratury Savieckaha rajona. Jaho pryciahnuli da administracyjnaj adkaznaści pa č. 1 art.18. 16 Kodeksa ab administracyjnych pravaparušeńniach za nievykanańnie biaśpiečnaj dystancyi. U hetym DTZ try čałavieki, siarod jakich dzicia, atrymali cialesnyja paškodžańni — dla ich vyklikali chutkuju, a paźniej im dapamahli ŭ balnicy. Padčas manitorynhu prakuratura vyśvietliła abstaviny avaryi i spahnała vydatki z kiroŭcy.
Pra padobny vypadak raskazała i rečyckaja hazieta «Dniaproviec». U hetym vypadku vinavaty kiroŭca ŭrezaŭsia ŭ mašynu, jakaja spyniłasia na śviatłafory. Žančyna, jakaja kiravała joj, atrymała ciažkija traŭmy. U vyniku z mužčyny spahnali bolš za 3000 rubloŭ na karyść rečyckaj balnicy. Ale pakolki paciarpiełuju praciahvajuć lačyć, to ŭ budučyni vinavatamu pryjduć novyja rachunki.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ26
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1111
Kamientary