Kalinoviec Kłačko «Kuś»: Ja pryjechaŭ zmahacca nie za vyzvaleńnie Ukrainy, a za vyzvaleńnie Biełarusi. I ŭ hetym majo adroźnieńnie ad «Janki»
Bajec pałka Kalinoŭskaha Alaksandr Kłačko z pazyŭnym «Kuś» daŭ intervju radyjo «Unet», u jakim siarod inšaha vykazaŭsia pra niadaŭniaje intervju inšaha viadomaha biełaruskaha dobraachvotnika «Janki», dzie toj nazvaŭ pierśpiektyvy vyzvaleńnia Biełarusi pałkom Kalinoŭskaha «kazačnymi zamkami».
U Alaksandra Kłačko «Kusia» adnosna hetaha inšaja dumka:
«Ja pajechaŭ va Ukrainu tady, i ciapier, i ŭvieś hety čas ja zmahajusia za vyzvaleńnie Biełarusi. Heta maja pryncypovaja pazicyja i adroźnieńnie ad «Janki». Prynamsi, u rytorycy, jakuju ja pačuŭ u tym intervju, što Biełaruski dobraachvotnicki korpus stvorany, kab vyzvalić Ukrainu.
Ja padkreślivaju i ja hetaha nie chavaju: ja pryjechaŭ zmahacca nie za vyzvaleńnie Ukrainy, ja pryjechaŭ zmahacca za vyzvaleńnie Biełarusi. Prosta ŭ hetym kirunku maja meta supadaje z Ukrainaj, dziakuj vialiki Ukrainie za heta.
Bo ŭ vyzvaleńni Biełarusi ja baču dva etapy. Pieršy etap — heta poŭnaje vyzvaleńnie terytoryi Ukrainy i paraza Rasii ŭ hetaj vajnie.
Vyzvaleńnie Ukrainy — heta nie hałoŭnaja meta dla mianie, heta tolki pałova. Maja hałoŭnaja meta — vyzvaleńnie Biełarusi, u adroźnieńnie ad taho, što ja čuju ad «Janki». Kali Rasija prajhraje, kali Rasija nie budzie padtrymlivać [Łukašenku] i ŭpłyvać na biełaruskija padziei, u nas, u biełarusaŭ, źjavicca šaniec 50:50, što my zmožam vyzvalić Biełaruś.
I ja kažu biełarusam: nie čakajcie połk Kalinoŭskaha, nie treba! Ja liču, što padziei pavinny zaviravać unutry Biełarusi.
I my, dobraachvotniki, u tym liku połk Kalinoŭskaha, «Janki», spadziajusia, nie zastaniecca niedzie tam, što heta niemahčyma, i pojdzie dapamoha. Charuhvy, dzie rychtujucca chłopcy, unutry krainy hetaje viravańnie, i ŭsie hetyja ručai emihranckija, jakija hatovyja ryzykavać zdaroŭjem i žyćciom dziela vyzvaleńnia Biełarusi, — jany ŭsie razam ściakucca, my abjadnajemsia, i my prarviom, jak płacinu, hety režym Łukašenki!»
Kalinoviec «Kuś»: Luby dziejač biełaruskaj revalucyi pierastanie dla mianie isnavać, kali voźmie ŭdzieł u handli palitviaźniami ŭ abmien na źniaćcie sankcyj
Na ścianie pamiaci pra zahinułych u rasijska-ŭkrainskaj vajnie źjavilisia partrety biełarusaŭ
Bajec «Kuś» z Pałka Kalinoŭskaha — ab pracy na čyhuncy i ŭ BRSM, vyprabavańni vajnoj i vybary pamiž pałonam i śmierciu
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary