Łukašenka pažadaŭ kalektyvu Nacyjanalnaha aeraporta čystaha błakitnaha nieba. Jak kažuć, jość niuans
Alaksandr Łukašenka pavinšavaŭ rabotnikaŭ Nacyjanalnaha aeraporta Minsk ź jaho 40-hodździem.
«Hałoŭnaja pavietranaja havań Biełarusi pa pravie ličycca jaje vizitnaj kartkaj. Mienavita adsiul pačynajecca znajomstva padarožnikaŭ z našaj krainaj — vysokatechnałahičnaj, pryhožaj i haścinnaj», — havorycca ŭ vinšavańni.
«Hod za hodam tut adtočvajecca majsterstva śpiecyjalistaŭ, ukaraniajucca pieradavyja technałohii absłuhoŭvańnia pasažyraŭ i hruzaŭ, zabiaśpiečvajucca vysokija standarty biaśpieki i kamfortu, — adznačyŭ Łukašenka. — Usio heta — karpatlivaja štodzionnaja praca adkaznaj i prafiesijnaj kamandy, abjadnanaj adnoj metaj — być najlepšymi ŭ svajoj spravie».
Łukašenka pažadaŭ kalektyvu i vieteranam Nacyjanalnaha aeraporta Minsk mocnaha zdaroŭja, čystaha błakitnaha nieba i zavajavańnia novych vyšyń.
23 maja 2021 hoda biełaruskija ŭłady prymusili sieści ŭ Minsku rejs Afiny — Vilnia. Tady byli aryštavanyja Raman Pratasievič i Safija Sapieha. Jak vynik, biełaruskim samalotam było zabaroniena lotać u inšyja krainy Jeŭropy, a jeŭrapiejskija avijakampanii stali ablatać Biełaruś. Heta pryviało dla vielizarnych strataŭ biełaruskaj avijacyjnaj haliny.
Biełaruskija samaloty lotajuć ciapier zbolšaha ŭ Rasiju. Tak što nieba nad Biełaruśsiu sapraŭdy amal čystaje.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary
A rolu hałoŭnaha aeraporta krainy ŭpeŭniena pierachopiać Mačuliščy. Darečy, biznes-džety harłareza Pryhožyna ŭžo latajuć tudy.