U Kazachstanie admianili kancert Ryhora Lepsa paśla taho, jak jon paabiacaŭ płacić pa miljonie rasijskich rubloŭ za kožny padbity ŭkrainski tank
U Kanavie (Ałmacinskaja vobłaść) admianili kancert Ryhora Lepsa, zapłanavany na 8 lipienia. Pra heta paviedamiła placoŭka Makao Luxury Village Resort, dzie pavinien byŭ vystupać śpiavak.
«Kampanija Makao Luxury Village Resort, jakaja padała svaju kancertnuju placoŭku dla arhanizacyi vystupu Ryhora Lepsa, pryniała pastanovu razarvać damovu z arhanizatarami kancerta ŭ adnabakovym paradku», — zajavili ŭ kampanii.
Na minułym tydni rasijskija artysty Ryhor Leps, Mikałaj Baskaŭ, Julija Baranoŭskaja, Uładzimir Kisialoŭ i Juryj Antonaŭ paabiacali vypłačvać pa 1 młn rubloŭ (prykładna 12 500 dalaraŭ) za kožny padbity ŭkrainski tank Abrams i Leopard, jak nahadvaje «Novaja hazieta. Jeŭropa».
Paśla hetaha kazachstancy vystupili suprać kancerta Lepsa.
«Ja zaklikaju ŭsich patrabavać admieny kancerta hetaha artysta. Nivodzin ciyn z našych kišeniaŭ nie pavinien pajści na źniščeńnie Ukrainy», — zajaviła žurnalistka Dzinara Jehieŭbajeva.
Taksama na kancert paskardziŭsia aktyvist Turar Kusain. Jon skiravaŭ aficyjnuju zajavu ŭładam z prośbaj «nie pravodzić kancert hetaha Z-artysta na terytoryi Respubliki Kazachstan».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary