Pasoł Kruty: Praz hod-dva ŭsie maršruty buduć pieraaryjentavanyja na rasijski kirunak
«Praz hod-dva ŭ Biełarusi nie budzie prablem z łahistykaj», — upeŭnieny pasoł u Rasii Dźmitryj Kruty.
Praz hod-dva ŭ Biełarusi nie budzie prablem z łahistykaj, bo ŭsie maršruty buduć pieraaryjentavanyja na ŭschodni kirunak, pra heta zajaviŭ kiraŭnik biełaruskaj dypmisii ŭ Rasii Dźmitryj Kruty, jak piša «Sputnik».
Pry hetym jon adznačyŭ, što prablemy z adhruzkaj pradukcyi praz Zachad adčuvajuć i kampanii, jakija nie padpadajuć i nikoli nie padpadali pad sankcyjnyja abmiežavańni.
U suviazi z hetym, na dumku Krutoha, adkaz adzin — šukać novyja maršruty i pieraaryjentavacca na ŭschod.
Biełaruś, pa słovach pasła, u hetym kirunku ŭžo zrabiła vielmi vialikuju pracu, pieraaryjentavaŭšy bolš za 10 miljonaŭ ton hruzaŭ za karotki pramiežak času pa maršrutach, pa jakich raniej nikoli nie pracavała.
«Heta vialikaja śfiera zadač dla našych halin», — padkreśliŭ biełaruski pasoł.
Razam z tym jon dadaŭ, što jana vielmi paśpiachova vyrašajecca pa šyrokim śpiektry halin: ad mietałurhii i chimii da drevaapracoŭki.
«I ciapier hetyja kanały prosta pašyrajucca, maštabujucca. I kalidory Poŭnač i Poŭdzień, Daloki Uschod, Sibir, Urał — heta vydatnyja maršruty. Kantejniernyja ciahniki ŭ Kitaj. Prykładaŭ dziasiatki, sapraŭdy», — adznačyŭ Kruty.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj41
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary