Na haradziščy ŭ Kryčavie razvalvajecca abarončaje ŭmacavańnie XVI—XVII stahodździaŭ
Na haradziščy Zamkavaja hara ŭ Kryčavie znachodzicca nie tolki draŭlanaja Śviata-Mikałajeŭskaja carkva, ale i małaprykmietny pomnik abarončaj architektury, zrobleny z cehły-palčatki, piša «Mahiloŭ.Media».
Abjekt jość pomnikam abarončaj architektury pryblizna XVI—XVII stahodździaŭ. Pry hetym u paźniejšyja časy cahlanaje zbudavańnie mahło vykarystoŭvacca jak ladoŭnia, dzie zachoŭvali zapasy charčavańnia.
Hety pomnik užo «pabity» časam, chacia jašče ź dziasiatak hadoŭ tamu ŭjaŭlaŭ saboj sucelnuju cahlanuju pabudovu. Ciapier ža pad uździejańniem času i pryrodnych apadkaŭ jon pakrysie razvalvajecca i patrabuje nieadkładnaj kansiervacyi, a ŭ dalejšym i restaŭracyi. Na žal, nijakaha achoŭnaha statusu zbudavańnie nie maje.
Zhodna z haradskimi lehiendami, cahlanyja sklapieńni markirujuć uvachod u patajemny padziemny chod, što vioŭ cieraz Sož. Pomnik zhadvajecca taksama ŭ roznaj histaryčnaj litaratury XIX stahodździa kštałtu «Opyt opisanija Mohilevskoj hubiernii».
Niazhrabny na pieršy pohlad abjekt — davoli značny pomnik dla Kryčava i ŭnikalnaje zbudavańnie pa stupieni zachavanaści, ale ŭ ekskursijnyja maršruty pa starym Kryčavie jon nie ŭvachodzić.
Doški vyrvali, nakidali śmiećcia, kryža niama. Draŭlanaja kaplica na mohiłkach u Kryčavie znoŭ pad pahrozaj
«Tolki ŭ Kryčavie majstry lapili kańka biez nožak i padobnaha da šachmatnaj fihurki». Kryčaŭskuju śviściołku ŭnieśli ŭ śpis historyka-kulturnych kaštoŭnaściaŭ
U Kryčaŭ pryvieźli vaskovyja fihury Pucina i Stalina
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?3
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary