Śviet1010

U Hiermanii carkoŭnuju słužbu ŭpieršyniu pravioŭ štučny intelekt

Sotni niamieckich pratestantaŭ naviedali carkoŭnuju słužbu, jakaja była amal całkam zhienieravanaja štučnym intelektam. Čat-bot ChatGPT pravioŭ u ziamli Bavaryja 40-chvilinnaje nabaženstva, na jakim byli malitvy, śpievy, propaviedzi i dabrasłavieńni dla bolš čym 300 viernikaŭ.

Štučny intelekt byŭ «uvasobleny» avataram ciemnaskuraha pastara na vielizarnym ekranie nad ałtarom, paviedamlaje The Associated Press.

«Darahija siabry, dla mianie vialiki honar stajać tut i prapaviedavać vam jak pieršy štučny intelekt na źjeździe pratestantaŭ sioleta ŭ Hiermanii», — skazaŭ avatar manatonnym hołasam.

Aŭtarami idei takoj słužby stali kampanija ChatGPT i Jonas Zimierlajn — bahasłoŭ i fiłosaf ź Vienskaha ŭniviersiteta.

«Ja zadumaŭ hetuju słužbu, ale nasamreč ja, chutčej, akampanavaŭ u joj, bo kala 98% idzie ad mašyny. U vyniku atrymałasia dosyć salidnaja carkoŭnaja słužba», — raspavioŭ 29-hadovy Zimierlajn u kamientary The Associated Press.

U ludziej, jakija pryjšli na słužbu, była roznaja reakcyja. Chtości padpiavaŭ i zdymaŭ padzieju na telefon, a niekatoryja admaŭlalisia pramaŭlać relihijnyja słovy razam z avataram.

54-hadovaja Hajderoze Šmit skazała žurnalistam, što spačatku była ŭschvalavanaja i zacikaŭlenaja, ale potym nabaženstva ŭsio bolš «adšturchoŭvała jaje».

«U im nie było ni serca, ni dušy. Avatary nie pakazvali nijakich emocyj, nie mieli movy cieła i havaryli tak chutka i manatonna, što mnie było vielmi ciažka zasiarodzicca na tym, što jany kazali. Ale, mahčyma, dla maładoha pakaleńnia, jakoje vyrasła z usim hetym, usio inakš», — prakamientavała Šmit.

Niezvyčajnaja słužba stała adnym z sotniaŭ mierapryjemstvaŭ na źjeździe pratestantaŭ Deutscher Evangelischer Kirchenta (Asamblei niamieckaj Jevanhieličnaj carkvy) u dvuch bavarskich haradach. Nabaženstva vyklikała takuju vialikuju cikavaść, što ludzi stali ŭ daŭžeznuju čarhu jašče za hadzinu da jaho pačatku. 

Kamientary10

  • Mafkees
    13.06.2023
    Zombakam i tak sojdiot.
  • žeŭžyk
    13.06.2023
    Kaliści ludzi prahramavali robataŭ, a zaraz robaty buduć prahramavać ludziej.
  • Kažan
    13.06.2023
    Heta bluznerstva. Tak nielha. Boh daŭ čałavieku dar śviatarstva j prapaviedvańnia.

Ciapier čytajuć

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova7

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova

Usie naviny →
Usie naviny

«Smurod taki, što niemahčyma dychać». Dom u «Minsk-Śviecie» try dni zalivała kanalizacyjaj3

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton64

Budzie da +31°S2

Mužčyna zasumniavaŭsia ŭ baćkoŭstvie čaćviarych dziaciej. I nie darma15

Lvoŭski: Da kanca stahodździa ŭ Biełarusi zastaniecca try miljony čałaviek, kali trendy nie źmieniacca25

«Ciažka». Jak vypuskniki-ajcišniki (nie) znachodziać pracu ŭ 2023—20253

Kiroŭcy fur z dronami, što atakavali rasijskija aeradromy, raskazali, chto i navošta ich naniaŭ8

Konkurs «Mis Suśviet» vyjhrała pradstaŭnica Tajłanda

Biełarusy Padlašša hałasavali za Tšaskoŭskaha17

bolš čytanych navin
bolš łajkanych navin

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova7

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova

Hałoŭnaje
Usie naviny →

Zaŭvaha:

 

 

 

 

Zakryć Paviedamić