Režym Łukašenki sprabavaŭ dać ahniastrelnuju zbroju nielehalnym mihrantam dla napadu na pamiežnikaŭ ES — Pamiežnaja słužba Łatvii
Pa infarmacyi kiraŭnika Pamiežnaj słužby Łatvii, u viedamstva jość dokazy sprob biełaruskaha boku ŭzbroić nielehalnych mihrantaŭ dla pravakacyi bojesutyknieńniaŭ na miažy z krainami Jeŭrasajuza.
Režym Łukašenki niekalki razoŭ prapanoŭvaŭ nielehalnym mihrantam ahniastrelnuju zbroju dla paśpiachovaha prachodžańnia miež ES. Pra heta paviedamiła ahienctva LSM sa spasyłkaj na kiraŭnika Pamiežnaj słužby Łatvii Huncisa Pujaca.
Pavodle jaho słoŭ, biełaruski bok u kancy minułaha hoda prapanoŭvaŭ ahniastrelnuju zbroju mihrantam dla napadu na łatvijskich pamiežnikaŭ, adnak tyja ad takoj prapanovy admovilisia.
U dadatak da hetaha, pa infarmacyi Pujaca, u toj pieryjad byli vypadki, kali biełaruskija pamiežniki kala miažy Łatvii chadzili z kulamiotami i snajpierskimi vintoŭkami, što jość nietypovym uzbrajeńniem dla pamiežnikaŭ.
«Biełaruski režym instruktavaŭ mihrantaŭ, jak zmahacca z łatvijskimi pahraničnikami ŭ vypadku ŭźniknieńnia ciažkaściej pry pierasiačeńni miažy. U kancy minułaha hoda byli zafiksavany incydenty, kali biełaruskija pamiežniki navat prapanoŭvali mihrantam ahniastrelnuju zbroju. Tyja ŭ vyniku admaŭlalisia, adnak heta mahło pieraraści ŭ sapraŭdnyja pierastrełki na miažy», — raspavioŭ kiraŭnik Pamiežnaj słužby Łatvii Huncis Pujac ahienctvu LSM.
Pavodle aktualnych acenak viedamstva, sioleta ŭ Łatviju ź Biełarusi nie zmahło ŭjechać 3793 nielehalnyja mihranty i tolki 187 čałaviek byli dapuščanyja z humanitarnych mierkavańniaŭ. U minułym hodzie nielehalnych sprob było 5286.
Nahadajem, što krainy ES zaniepakojenyja mahčymym paŭtareńniem mihranckaha kryzisu ŭ momant praviadzieńnia samitu NATA ŭ Vilni ŭ lipieni hetaha hoda. Biełaruś i Rasija mohuć vykarystać jaho dla cisku ci ŭvohule dla zryvu mierapryjemstva.
Polšča pryznała Alaksandra Mašenskaha niepažadanaj asobaj27
Kamientary
I tie vypołniajut—otricatielnaja sielekcija.Vy,hłavnoje zajčyki,kušajtie chorošo i šapku nositie. Potomu čto otviečať za vsie pridiotsia,nie śpichniotie na łuku «ja prosto vypołniał prykaz».