Zasnavalnik ruandyjskaha «Radyjo tysiačy pahorkaŭ» zastaniecca biespakaranym
Sud AAN u Haazie admoviŭsia vynosić prysud abvinavačanamu ŭ hienacydzie ŭ Ruandzie Fieliśjenu Kabuhu: jaho pryznali niazdolnym udzielničać u pracesie praź psichičnaje rasstrojstva, jak paviedamlaje CNN.
Fieliśjen Kabuha — biznesoviec, jaki vałodaŭ čajnymi płantacyjami. Jon byŭ suzasnavalnikam «Volnaha radyjo i telebačańnia tysiačy pahorkaŭ», jakoje stała ruparam prapahandy padčas hienacydu ŭ Ruandzie ŭ 1994 hodzie. Padčas jaho, pa roznych acenkach, zahinuli ad 500 tysiač da 1,1 miljona čałaviek.
U stvoranym Kabuham «Radyjo tysiačy pahorkaŭ» pracavali tolki pradstaŭniki naroda chutu. U efirach tłumačyli, jak treba zabivać, raździalać, hvałtavać narod tutsi, a akramia taho, ahučvalisia pajmiennyja śpisy, kaho nieabchodna było zabić, i miescy, dzie chavalisia tutsi. Taksama Kabuhu abvinavačvajuć u tym, što jon uzbroiŭ apałčeńnie chutu, jakoje vysočvała i zabivała tutsi.
Kabuha źbieh z Ruandy ŭ 1994 hodzie i žyŭ pa padroblenych dakumientach spačatku ŭ Afrycy, a paźniej — u Francyi. U 1997 hodzie Mižnarodny trybunał vystaviŭ jamu abvinavačvańni ŭ padbuchtorvańni da hienacydu i złačynstvach suprać čałaviečnaści, ale 26 hadoŭ Kabuhu nie mahli znajści. Zatrymali jaho ŭ 2020 hodzie ŭ pryharadzie Paryža.
U 2022-m u Haazie nad Fieliśjenam Kabuham pačaŭsia sud, adnak prysud jamu vyniesieny nie budzie. Sud AAN, hruntujučysia na infarmacyi ad miedykaŭ, pryniaŭ rašeńnie, što praz demiencyju 90-hadovy abvinavačany bolš nie zdolny ŭdzielničać u pasiadžeńniach i navat nie moža tołkam dahladać siabie.
«Sudovaja pałata ličyć, što spadar Kabuha bolš nie moža paŭnavartasna ŭdzielničać u sudovym pracesie pa jaho spravie», — havorycca ŭ pastanovie Mižnarodnaha reštkavaha miechanizmu dla kryminalnych trybunałaŭ (IRMCT).
Pasiadžeńni suda praciahnucca dla vyznačeńnia praŭdy i stupieni viny padsudnaha, ale prysud vyniesieny nie budzie.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary
to nie osudiat.