Kiraŭnik «Ukrhidraenierha» apisaŭ dva scenary raźvićcia padziej na Kachoŭskaj HES
Kamientujučy nastupstvy razbureńnia Kachoŭskaj HES, hiendyrektar «Ukrhidraenierha» Ihar Sirata apisaŭ dva scenary nastupstvaŭ u zaležnaści ad paškodžańniaŭ płaciny, piša BBC.
Asnoŭny scenar: za nastupnyja 3-4 dni Kachoŭskaje vadaschovišča budzie spracavanaje da nula, to-bok vada vycieča całkam i stanie vidać dno. Heta možna vyznačyć pa chutkaści źniknieńnia vady. Jana vyciakaje z chutkaściu 15-20 santymietraŭ u hadzinu, ale moža i paskorycca.
Druhi mahčymy varyjant, jaki apisaŭ Sirata, taki: kali nižniaja častka płaciny cełaja, to ŭ vadaschoviščy zastaniecca kala troch mietraŭ vady.
Pry hetym i ŭkrainskija, i rasijskija ekśpierty zajavili, što abmialeńnie vadaschovišča moža pryvieści da ekałahičnaj katastrofy.
«Samaje strašnaje, kali pry poŭnym spusku vadaschovišča ahalajucca taksičnyja adkłady, jakija buduć pylić. Voś heta sapraŭdnaja chimičnaja bomba», — zajaviŭ «RIA Novosti» ekołah, dacent MDU Alaksiej Miadźviedkaŭ.
Jon rastłumačyŭ, što na dnie vadaschovišča nazapašanyja zabrudžvalniki, jakija na praciahu amal 70 hadoŭ pastupali sa ściokami. Heta mohuć być ciažkija mietały, naftapradukty, piestycydy, radyjenuklidy i inšyja rečyvy.
Kamientary