Uhoda nakont kupli biznesu ŭ znakamitaha rasijskaha pradziusara była zaklučana jašče ŭ listapadzie minułaha hoda. Pavodle źviestak rasijskich rejestraŭ, Juryj Čyž staŭ adzinym uładalnikam maskoŭskaj kampanii «Vivajt». U krasaviku hetaha hoda novy ŭłaśnik pierafarmatavaŭ jurasobu ŭ chołdynhavuju kampaniju.
Papiarednim ułaśnikam kampanii «Vivajt» byŭ viadomy rasijski kampazitar i kavaler ordena Skaryny (z 2015 hoda) Viktar Drobyš, nahadvaje Office Life.
Raniej hetaja kampanija nazyvałasia «SVMjuzik» i zajmałasia z 2007 hoda «dziejnaściu ŭ halinie mastactvaŭ i arhanizacyi zabaŭ». Ale jašče pry Drobyšu jana była pierajmienavanaja ŭ «Vivajt» i asnoŭnym vidam jaje dziejnaści stała «kiravańnie fondami». Novy haspadar u krasaviku hetaha hoda padkarektavaŭ jaje profil u «dziejnaść chołdynhavych kampanij».
U Rasii siamji Čyža ciapier naležyć kirujučaja kampanija «THM Hrupa». Jana ŭ svaju čarhu kantraluje dosyć bujnuju strukturu «Biełaz-Pamorje». Apošniaja na praciahu mnohich hadoŭ akazvaje pasłuhi pa padrychtoŭcy ŭčastkaŭ dla zakazčykaŭ u rasijskaj hornazdabyŭnaj halinie. Jaje vyručka ŭ 2022-m vyrasła bolš čym na 100% i pieravysiła $7 młn, choć apošni hod kampanija i zaviaršyła sa strataj kala $1 młn.
Asnoŭny ŭładalnik abiedźviuch struktur z druhoj pałovy 2022-ha — adzin z synoŭ biznesoŭca — Uładzimir. Jon tady źmianiŭ u jakaści ŭłaśnika hetych aktyvaŭ Taćcianu Čyž — dačku zasnavalnika kampanii «Trajpł».
Akramia taho, pa danych rehistraŭ, dyrektaram «THM hrupa» i «Biełaz-Pamorje» Uładzimira Čyža i kampanii «Vivajt» jaho baćki źjaŭlajecca adna asoba — uładalnik jurydyčnaj kampanii «Harškoŭ i partniory» Dźmitryj Harškoŭ.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary