U Polščy znoŭ pačali praviarać transpartnyja kampanii ź biełaruskim kapitałam
U Polščy pačaŭsia čarhovy etap pravierki firmaŭ-pieravozčykaŭ ź biełaruskim i rasijskim kapitałam. Dla pravierki adabrali kala 60 kampanij, paviedamlaje Myfin.by.
«My pačynajem druhi etap pravierki vybranych subjektaŭ, u dačynieńni da jakich byli sumnievy — ci sapraŭdy jany vykonvajuć zakony», — zajaviŭ dziaržsakratar Ministerstva infrastruktury Rafał Vebier.
Pravierki nakiravanyja pierš za ŭsio na vykanańnie praviłaŭ sumlennaj kankurencyi, bo ŭ chodzie raniejšych pravierak vyśvietliłasia, što kala 50% pravieranych transpartnych srodkaŭ naležać pieravozčykam z-za miažy.
Tak, kantrolnyja orhany pravierać u pieršuju čarhu, ci pracujuć kampanii na zakonnych padstavach. Akramia hetaha, pravierki zakranuć takija pytańni, jak adpaviednaść kiroŭcaŭ ich kvalifikacyi, zakonnaść ich pracaŭładkavańnia i h. d. Taksama kantralory aceniać zachavańnie kiroŭcami normaŭ pracoŭnaha času. Cikaviać ich i parušeńni, jakija tyčacca vypłaty padatkaŭ.
Pravierka pravodzicca adrazu niekalkimi viedamstvami: darožna-transpartnaj inśpiekcyjaj, Nacyjanalnaj inśpiekcyjaj pracy, pamiežnaj achovaj i budaŭničym nahladam.
Dla pravierki adabrali kala 60 kampanij, jak havorycca ŭ paviedamleńni, pakolki ich padazrajuć u parušeńni zakona. Naprykład, vyjaviłasia, što ŭ Varšavie pa adnym adrasie było zarehistravana adrazu 90 kampanij.
Inśpiektary darožnaha transpartu padzialilisia i vynikami papiarednich pravierak. Adznačajecca, što maštaby parušeńniaŭ značnyja. Heta i nievykanańnie normaŭ pracoŭnaha času kiroŭcami, i adsutnaść uliku dziejnaści kiroŭcaŭ u kartkach kiroŭcaŭ i ŭlikovych listkach, i adsutnaść miedycynskich ahladaŭ. Parušeńni taksama vyjaŭlenyja ŭ vydadzienych paśviedčańniach kiroŭcy.
Raniej ab pačatku kompleksnaj pravierki transpartnych kampanij z kapitałam ź Biełarusi i Rasii, zarehistravanych u Polščy, paviedamlałasia jašče ŭ lutym.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary