Siejsmołahi: U Biełarusi apošnim časam ziemlatrusaŭ nie zafiksavana
Učora cyrkulavali čutki pra ziemlatrus u Hrodzienskaj vobłaści. Ale heta niapraŭda.
U Biełarusi apošnim časam ziemlatrusaŭ nie zafiksavana. Pra heta BiełTA raspaviała zahadčyca adździeła apracoŭki i analizu danych manitorynhu centra hieafizičnaha manitorynhu NAN Biełarusi Taćciana Aronava.
U internecie źjaviłasia infarmacyja, što na terytoryi Biełarusi 21 maja adbyŭsia ziemlatrus mahnitudaj 4,2 u rajonie Lidy i Navahrudka. «Adzinaja kraina, jakaja zafiksavała hetuju źjavu, — Niamieččyna, słužba «Hieafon». Nivodnaja inšaja kraina pra heta ničoha nie skazała, i biełaruskija siejśmičnyja stancyi nie zarehistravali hetuju padzieju. My prahladzieli ŭsie zapisy na našaj terytoryi i inšych krain — hetych źviestak niama nidzie. Albo hetaja infarmacyja pamyłkovaja, albo raźmieščanaja śpiecyjalna, kab uvieści ŭ zman hramadskaść», — patłumačyła Taćciana Aronava.
Raniej śpiecyjalisty centra paviedamlali, što Biełaruś znachodzicca na zachadzie staražytnaj Uschodnie-Jeŭrapiejskaj płatformy, a heta dosyć słabaaktyŭny rehijon. Mienavita tamu ŭ krainie nie moža być mocnych ziemlatrusaŭ. Maksimalna mahčymaja mahnituda — 4,5.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary