Łandśbierhis u Brusieli: Padtrymlivać biełaruskuju apazicyju i palitviaźniaŭ treba nie praz dopisy ŭ tvitary, a praz palityčnyja dziejańni
Ministr zamiežnych spraŭ Litvy Habryelus Łandśbierhis niehatyŭna acaniŭ zaciahvańnie pieramoŭ ab sankcyjach suprać Biełarusi. Jon ličyć niedapuščalnym toje, što niekatoryja krainy chočuć spałučyć uviadzieńnie novaha pakieta abmiežavańniaŭ suprać režymu ŭ Minsku sa źmiakčeńniem raniej uviedzienych sankcyj.
Pra heta kiraŭnik litoŭskaha MZS zajaviŭ pierad pačatkam sustrečy ministraŭ zamiežnych spraŭ krain ES u Brusieli.
Prajekt sankcyj suprać Biełarusi byŭ prapanavany Jeŭrakamisijaj u studzieni, ale dahetul nie ŭchvaleny, bo hrupa krain na čale z Partuhalijaj zapatrabavała źniać raniejšyja abmiežavańni na ekspart biełaruskaj kalijnaj soli i takim čynam na kampanii ź siektara ŭhnajeńniaŭ.
«Siońnia ja paprašu vas raździalić hetyja dźvie rečy, kab ruchacca napierad ź biełaruskim pakietam, kali my surjozna padtrymlivajem biełaruskuju apazicyju i palitviaźniaŭ nie praz dopisy ŭ tvitary, a praz palityčnyja dziejańni. My prapanavali pakiet sankcyj na 200 młn jeŭra, a pakiet z vyklučeńniami kaštuje 8 młrd jeŭra», — skazaŭ Łandśbierhis.
Habryelus Łandśbierhis padkreśliŭ, što chutkaje ŭviadzieńnie novych sankcyj suprać režymu ŭ Minsku nieabchodnaje, bo Rasija vykarystoŭvaje Biełaruś, kab abyści abmiežavańni ES.
Akramia Litvy, suprać źmiakčeńnia raniejšych sankcyj vystupaje taksama Polšča. Hetyja krainy adchilajuć arhumienty ab tym, što abmiežavańni zjaŭlajucca pahrozaj hłabalnaj charčovaj biaśpiecy. Polšča i Litva adkazvajuć, što heta rasijskaja prapahanda, bo prablem z uhnajeńniami na rynku ciapier niama, i što zamiest Biełarusi ich možna impartavać, naprykład, z Kanady.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary