Uładalnik Kłajpiedskaha terminała nasypnych hruzaŭ Ihar Udavicki śćviardžaje, što Jeŭrakamisija rychtujecca źniać sankcyi z «Biełaruśkalija» i «Słaŭkalija», piša Reform.by. Biznesmien spasyłajecca na pracoŭny dakumient Jeŭrakamisii ab charčovaj biaśpiecy.
Litoŭski biznesmien pracytavaŭ pierakładzienyja vytrymki z dakumienta i abiacaŭ apublikavać jaho PDF-viersiju, ale za 15 hadzin z momantu publikacyi pasta ŭ fejsbuku tak hetaha i nie zrabiŭ. Ale havoryć, što Jeŭrakamisija źbirajecca źniać sankcyi ź biełaruskich uhnajeńniaŭ, u pieršuju čarhu — kalijnych.
Abmiežavańni nibyta pavinny być źniatyja z:
- AAT «Biełaruśkalij»,
- ZTAA «Słaŭkalij»,
- pradukcyi hetych 2-ch pradpryjemstvaŭ,
- kiraŭnikoŭ i akcyjanieraŭ — fizičnych asob, jakija znachodziacca pad sankcyjami i zabiaśpiečvajuć funkcyjanavańnie i handlovuju dziejnaść hetych pradpryjemstvaŭ,
- usich apieracyj, uklučajučy finansavyja, jakija pavinny zabiaśpiečyć niepasredny ekspart pradukcyi hetych pradpryjemstvaŭ.
Inicyjatarami rehłamientu nibyta vystupili Bielhija, Niderłandy, Francyja, Italija i Partuhalija, a pracu kuryruje ofis kiraŭnicy Jeŭrakamisii Ursuły fon der Lajen.
«Asnoŭnaja palityčnaja zadača — zabieśpiačeńnie charčovaj biaśpieki nie tolki krain — členaŭ Jeŭrasajuza, ale i tak zvanaha hłabalnaha Poŭdnia, kudy adnosiać dziasiatki krain u dyjapazonie ad Łacinskaj Amieryki, Afryki da Centralnaj i Paŭdniova-Uschodniaj Azii, Indyi i inšych. Asnoŭnaja techničnaja zadača — źniaćcie abmiežavańniaŭ na impart u ES, a taksama źniaćcie ŭsich pieraškod dla svabodnaha tranzitu praź ES u trecija krainy», — zajaŭlaje Udavicki.
Biznesoviec padkreślivaje, što nieviadoma, jakim budzie vynikovy dakumient i jak jon budzie prymianiacca. Jon nie vyklučaje, što ŭ novym rehłamiencie mohuć być praduhledžanyja novyja vidy abmiežavańniaŭ.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Ničoha asabistaha - prosta biźnies:)