Cichanoŭskaja pahavaryła z premjeram Partuhalii pra sankcyi na kalijnyja ŭhnajeńni
Śviatłana Cichanoŭskaja ŭ ramkach udziełu ŭ samicie Rady Jeŭropy ŭ isłandskim Rejkjaviku sustrełasia z premjer-ministram Partuhalii Antoniu Košta. Asnoŭnaj temaj hetaj razmovy było pytańnie biełaruskich kalijnych uhnajeńniaŭ i ich ekspartu ŭ trecija krainy.
Cichanoŭskaja padčas razmovy padkreśliła, što
źmiakčać sankcyi Jeŭrapiejskaha sajuza ŭ dačynieńni da kalijnych uhnajeńniaŭ ź Biełarusi nielha, bo heta nie vyrašyć prablemy charčovaha kryzisu, ale pryviadzie da jašče bolšaha adčuvańnia režymam svajoj biespakaranaści.
Zamiest hetaha Cichanoŭskaja prapanavała šukać inšaje vyrašeńnie prablemy, u tym liku praz dałučeńnie vytvorcaŭ kalijnych uhnajeńniaŭ z trecich krain.
Akurat ciapier u AAN i Jeŭrapiejskim sajuzie idzie aktyŭnaja dyskusija nakont źmiakčeńnia sankcyj na tranzit častki kalijnych uhnajeńniaŭ ź Biełarusi dla pastavak u trecija krainy, jakija zaležać ad biełaruskaha kaliju. Partuhalija — adna z tych krain, jakija, jak śćviardžajecca, łabirujuć pytańnie źmiakčeńnia sankcyj na pastaŭku kalijnych uhnajeńniaŭ u Jeŭrasajuzie. Bieź ich, maŭlaŭ, isnuje pahroza taho, što buduć haładać krainy «treciaha śvietu».
Akramia hetaha najbolš važnaha pytańnia, palityki taksama damovilisia pravieści sustreču ŭ Lisabonie z pradstaŭnikami biełaruskich kampanij, kab abmierkavać i palepšyć umovy ich pracy. Premjer Partuhalii zaprasiŭ Śviatłanu Cichanoŭskuju naviedać jaho krainu ŭvosień.
«Uklučeńnie Biełarusi ŭ jeŭrapiejskuju siamju pavinna stać stratehičnym pryjarytetam dla Rady Jeŭropy» — Andžej Duda
Trybunał dla Łukašenki i dapamohu biełaruskim vymušanym emihrantam abmiarkoŭvała Cichanoŭskaja ŭ Rejkjaviku
Na suśvietny rynak kaliju idzie novy mocny hulec
Jeŭrasajuz zdymie sankcyi ź biełaruskich uhnajeńniaŭ?
Kamientary