Rasija kidaje novyja siły na zachop Bachmuta, kab zajavić choć pra niejki pośpiech — brytanskaja raźviedka
Rasija praciahvaje ściahvać dadatkovyja siły da horada Bachmuta Danieckaj vobłaści, jaki amal całkam znachodzicca pad jaje kantrolem, kab kančatkova zachapić jaho i zajavić pra «peŭny pośpiech» u vajnie z Ukrainaj.
Pavodle acenki brytanskaj vyviedki, za apošnija čatyry dni Rasija, imavierna, pierakinuła niekalki bataljonaŭ dla ŭzmacnieńnia bachmuckaha kirunku, piša «Ukrainskaja praŭda».
Heta adbyłosia paśla taho, jak ukrainskija vojski atrymali taktyčnyja pieravahi na fłanhach horada, a taksama paśla «publična ahučanych sumnieńniaŭ» adnosna hatoŭnaści pryvatnaj vajennaj kampanii «Vahnier» praciahvać bajavyja dziejańni ŭ hetym siektary.
«Uličvajučy toje, što Rasija, imavierna, zachoŭvaje va Ukrainie adnosna nievialikuju kolkaść padraździaleńniaŭ, jakija nie ŭdzielničajuć u bajavych dziejańniach, takaja pieradysłakacyja jość značnym krokam z boku rasijskaha kamandavańnia», — miarkujuć u raźviedcy brytanskaha Minabarony.
Tam dadajuć, što rasijskaje kiraŭnictva, imavierna, i dalej razhladaje zachop Bachmuta jak klučavuju vajennuju metu ŭ najbližejšaj pierśpiektyvie, jakaja dazvolić «zajavić pra peŭny pośpiech u kanflikcie».
U Minabarony Brytanii taksama vykazali zdahadku, što na 15-y miesiac poŭnamaštabnaj vajny siły RF naŭrad ci buduć zdolnyja da efiektyŭnaha kantrolu svaich dziejańniaŭ uzdoŭž usioj linii frontu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna2
Kamientary