USU ruchajucca da Bachmuta, za sutki prasunulisia na 150—1700 mietraŭ
Abaroncy Ukrainy prasunulisia napierad na Bachmuckim napramku na adlehłaść ad 150 da 1700 mietraŭ za sutki, źniščyŭšy ŭ bajach 130 akupantaŭ i ŭziaŭšy čatyroch pałonnych. Pra heta zajaviŭ śpikier Uschodniaj hrupoŭki USU Siarhiej Čaravaty ŭ efiry telemarafonu 18 maja, piša «Ukrainskaja praŭda».
«Bachmut zastajecca epicentram bajavych dziejańniaŭ na ŭschodzie Ukrainy… U chodzie bajoŭ našy padraździaleńni, niahledziačy na toje, što niama ciapier pieravahi ŭ asabovym składzie, snaradach i technicy, praciahvajuć prasoŭvacca na fłanhach. Adlehłaść za sutki ad 150 da 1700 m udałosia nam prajści».
Jon dadaŭ, što akupanty vymušanyja biehčy, kali «im dobra nasypajuć».
U toj ža čas Čaravaty adznačyŭ, što praciŭnik usio ž sprabuje ŭziać amal całkam źniščany im ža Bachmut.
U pryvatnaści, rasijanie 487 razoŭ udaryli sa stvolnaj i reaktyŭnaj artyleryi pa ŭkrainskich pazicyjach. Taksama adbyłosia 25 bajavych sutyknieńniaŭ, 6 avijanalotaŭ.
Abaroncy ŭ bajach źniščyli 130 akupantaŭ i 4 uziali ŭ pałon. Jašče 145 zachopnikaŭ atrymali ranieńni.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary