Źjavilisia padrabiaznaści hibieli kalinoŭcaŭ u Bachmucie: «čaćviora zastałosia pad zavałami»
Zabrać ich cieły z-za ščylnaha ahniu pakul niama mahčymaści.
Pradstaŭnica pałka imia Kastusia Kalinoŭskaha raskazała, jak zahinuli biełaruskija vajary.
Paviedamlajecca, što bajcy bataljona «Vołat» utrymlivali pazicyi ŭ Bachmucie.
«Našy chłopcy adbivali šturm akupantaŭ i viali strałkovy boj. Pa domie, u jakim jany znachodzilisia, udaryli bujnakalibiernaj artyleryjaj. Budynak abrynuŭsia. Častka bajcoŭ apynułasia pad zavałami.
Druhaja hrupa razam ź miedykami vypraviłasia tudy dla evakuacyi bajcoŭ, jakija zastalisia pad zavałami, i akazańnia dapamohi. Čaćviora vajaroŭ zastałosia pad zavałami biez mahčymaści ich evakuacyi.
U momant evakuacyi i prykryćcia adychodu hrupy zahinuŭ kamandzir hrupy. Jon koštam svajho žyćcia daŭ mahčymaść evakujavać paranienych», — raskazała kalinoŭka.
Paźniej była adpraŭlena treciaja hrupa dla razboru zavałaŭ i evakuacyi cieł zabitych. Adnak u vyniku artyleryjskaha abstrełu budynak byŭ całkam razburany.
«Bai praciahvajucca. Mahčymaści zabrać cieły zaraz niama», — raskazała pradstaŭnica pałka.
Raniej połk paviedamlaŭ pra hibiel adnaho bajca i źniknieńnie bieź viestak jašče čatyroch.
Viadoma pra 22 biełarusaŭ, jakija zahinuli paśla lutaha 2022-ha, baroniačy Ukrainu i Biełaruś. Jašče čaćviora źnikła bieź viestak, dvoje trapiła ŭ pałon. Usiaho ŭ składzie ŭkrainskaj armii vajujuć sotni hramadzian-biełarusaŭ. Połk Kalinoŭskaha — samaja vialikaja sa struktur, dzie słužać biełarusy.
Bai za Bachmut iduć užo dzieviać miesiacaŭ. Hety kirunak zastajecca adnym z samych haračych miescaŭ na froncie. Ad 10 maja ŭkrainskija vojski tut pierajšli ŭ kontrnastup i ŭ zaciatych bajach viarnuli kantrol nad 25 kvadratnymi kiłamietrami na poŭnač i paŭdniovy zachad ad horada, u tym liku nad šeraham važnych vyšyń.
Biełaruskija padraździaleńni panieśli ciažkija straty pad Bachmutam. Niekalki čałaviek zahinuła
Ukrainski kontrnastup: jak jon paŭpłyvaje na Biełaruś i ci źjavicca ŭ Łukašenki šans prajavić samastojnaść?
Jak acenka siłaŭ biełaruskich dobraachvotnikaŭ upłyvaje na palityku Łukašenki
Dzianis Urbanovič atrymaŭ čaćviortaje ranieńnie. U Bachmucie
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary