Novyja abmiežavańni suprać rasijskich ałmazaŭ, padtrymka Ukrainy i zachady suprać Rasii — zajava G7
Źjaviłasia sumiesnaja zajava lidaraŭ G7 na samicie ŭ Chirasimie. Jaje tekst pryvodzić u telehram-kanale kiraŭnik Ofisa prezidenta Ukrainy Andrej Jarmak.
Mir va Ukrainie nie moža być dasiahnuty biez poŭnaha vyvadu rasijskich vojskaŭ, havorycca ŭ zajavie.
— G7 uvodzić dadatkovyja sankcyi, kab pavialičyć vydatki RF i tych, chto padtrymlivaje jaje vajennyja dziejańni.
«Siamiorka» budzie i dalej razam supraćstajać niezakonnaj, ničym nie apraŭdanaj i ničym nie spravakavanaj ahresiŭnaj vajnie Rasii suprać Ukrainy.
«Vialikaja siamiorka» vykazvaje zaniepakojenaść z-za biezadkaznaha zachopu i militaryzacyi RF Zaparožskaj atamnaj elektrastancyi. Udzielniki abaviazvajucca praciahvać akazvać dapamohu Ukrainie ŭ śfiery biaśpieki datul, pakul idzie vajna z Rasijaj.
— Padtrymana prahrama finansavaj dapamohi Ukrainie na nastupny hod.
Taksama budzie padtrymka namahańniaŭ urada Ukrainy ŭ baraćbie z karupcyjaj.
G7 padkreślivaje adzinstva ŭ sankcyjnaj palitycy suprać Rasii. Vorah pavinien apłacić doŭhaterminovaje adnaŭleńnie Ukrainy, zaznačaje Andrej Jarmak.
Taksama Rasija pavinna panieści adkaznaść za napady na cyvilnaje nasielnictva i krytyčna važnuju infrastrukturu.
Krainy abaviazvajucca padtrymlivać tyja dziaržavy, što taksama paciarpieli praz rasijskaje ŭvarvańnie va Ukrainu.
G7 płanuje zachoŭvać aktyvy Rasii zamarožanymi, pakul Maskva nie kampiensuje strat ad vajny va Ukrainie.
Taksama buduć i ŭ dalejšym uvodzicca abmiežavańni na vykarystańnie RF mižnarodnaj finansavaj sistemy.
— G7 prymie miery dla praduchileńnia «vykarystańnia filijałaŭ rasijskich bankaŭ u trecich krainach» dla abychodu sankcyj.
G7 praciahnie źnižać zaležnaść ad Rasii ŭ śfiery jadziernaj enierhietyki.
«Siamiorka» prymie miery suprać finansavaha siektara Rasii.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary