Učora pra misiju afrykanskich krain zajaviŭ kiraŭnik PAR Sirył Ramafosa.
Pres-sakratar Zialenskaha Siarhiej Nikifaraŭ raspavioŭ pra razmovu, jakaja adbyłasia pamiž prezidentam Ukrainy i prezidentam PAR Siryłam Ramafosa 13 maja, piša «Nastojaŝieje vriemia».
«Prezident Ukrainy vitaŭ takuju mirnuju inicyjatyvu. Uładzimir Zialenski hatovy pryniać vysokich haściej va Ukrainie, vysłuchać ich prapanovy, raskazać pra ŭkrainskuju formułu miru i zaprasić dałučycca da jaje realizacyi», — skazaŭ Nikifaraŭ.
Učora Ramafosa abviaściŭ, što damohsia zhody na afrykanskuju miratvorčuju misiju jak va Ukrainy, tak i ŭ Rasii.
«Maje razmovy z dvuma lidarami pakazali, što jany abodva hatovyja pryniać afrykanskich lidaraŭ i abmierkavać, jak možna pakłaści kaniec hetamu kanfliktu», — skazaŭ jon na sumiesnaj pres-kanfierencyi z premjer-ministram Sinhapura.
Prezident PAR padkreśliŭ, što mirny płan taksama padtrymali lidary Sieniehała, Uhandy i Jehipta.
PAR macniej za mnohija krainy akazałasia ŭciahnutaja ŭ vajnu Rasii z Ukrainaj: paśla abviaščeńnia Uładzimira Pucina ŭ mižnarodny vyšuk pa linii Mižnarodnaha kryminalnaha suda ŭłady krainy zaprasili jaho na samit BRIKS, paśla čaho paviedamili ab denansacyi Rymskaha statuta; paźniej heta rašeńnie było admieniena.
Taksama pasoł ZŠA ŭ PAR abvinavaciŭ ułady krainy ŭ eksparcie zbroi ŭ Rasiju. Na nastupny dzień MZS respubliki paviedamiła, što pasoł vybačyŭsia za svaje słovy.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary