U radu dyrektaraŭ bujnoj biełaruskaj kampanii ŭvajšoŭ daradca Kadyrava
Palityk i biznesoviec Leŭ Dziańhoŭ, jaki źjaŭlajecca daradcam kiraŭnika Čačni Ramzana Kadyrava i dziaržsakratara Sajuznaj dziaržavy Dźmitryja Mieziencava, uklučany ŭ radu dyrektaraŭ Biełaruskaj nacyjanalnaj bijatechnałahičnaj karparacyi (BNBK) pavodle vynikaŭ apošniaha schodu jaje akcyjanieraŭ. Jon prajšoŭ u kancy sakavika hetaha hoda.
26 maja na bazie BNBK zapłanavany I bijatechnałahičny forum Sajuznaj dziaržavy, na jaki Dziańhoŭ zaprošany ŭ jakaści adnaho z hanarovych haściej, piša Office Life.
Leŭ Dziańhoŭ — viadomaja fihura ŭ palityčnym i hramadskim žyćci Rasii, a ź niadaŭnich časoŭ — i ŭ bijatechnałahičnaj halinie abiedźviuch krain. Jon uradženiec Minska, vučyŭsia ŭ adnoj sa staličnych škoł, ale vyšejšuju adukacyju atrymaŭ u Rasii i Niamieččynie. Jaho proźvišča stała šyroka viadoma ŭ druhoj pałovie 2010-ch u suviazi z asabistym udziełam u pracesie vyzvaleńnia z-za krat u Livii rasijskich i biełaruskich hramadzian. Taksama Dziańhoŭ — muž salistki hrupy «A-Studyjo» Keci Tapuryja.
U kancy 2022 hoda Leŭ Dziańhoŭ stvaryŭ kampaniju «Adam bija». Pa paviedamleńniach ŚMI, u pačatku 2023-ha jana zaklučyła kantrakt na realizacyju pradukcyi BNBK na rasijskim rynku na sumu 11,82 młrd rasijskich rubloŭ (kala $150 młn). U pačatku hetaha ž hoda Leŭ Dziańhoŭ staŭ daradcam kampanij CITIC International Investments i CITIC Construction u Rasii i Biełarusi. Adna ź ich, SITIS International Investments, źjaŭlajecca adnym z zasnavalnikaŭ i klučavych akcyjanieraŭ BNBK. U stvareńni karparacyi brali taksama ŭdzieł biełaruskaja dziaržava i hrupa kampanij ź Vialikabrytanii i AAE (paźniej ich skład źviedaŭ źmieny).
Aficyjna kompleks pa vytvorčaści karmoŭ, premiksaŭ i aminakisłot, raźmieščany ŭ Puchavickim rajonie, byŭ zapuščany ŭ listapadzie minułaha hoda. Dla zabieśpiačeńnia jaho syravinaj BNBK byli pieradadzienyja haspadarki ŭ piaci rajonach krainy z ahulnym ziamielnym fondam zvyš 100 tys. ha.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary