U finał Jeŭrabačańnia prajšła pieśnia pra Łukašenku i Pucina
U papularnym piesiennym konkursie Jeŭrabačańnie-2023, jaki pačaŭsia na hetym tydni ŭ anhlijskim Livierpuli, prajšoŭ u finał charvacki hurt z paradyjnym numaram, u jakim hledačy znajšli adsyłki da vobrazaŭ Pucina i Łukašenki.
U svaim vystupie hurt Let 3 niekalki razoŭ paŭtaryŭ vyrazy «mama kupiła traktar», «mama, ja idu vajavać», a adzin z muzykaŭ vynies na scenu impravizavanyja rakiety.
Paźniej artysty raskryli svaju ideju: u vystupleńni jany vykarystoŭvali zborny vobraz sučasnych dyktataraŭ. Kalektyŭ udakładniŭ, što havorka ŭ pieśni idzie nie tolki pra poŭnamaštabnaje ŭvarvańnie va Ukrainu, ale jana taksama tyčycca ŭsich vojnaŭ, jakija viaducca na płaniecie.
Pry hetym lidar hurta zajaviŭ, što słovy pieśni «podły drobny psichapat» sapraŭdy źjaŭlajucca adsyłkaj da Uładzimira Pucina.
Sioleta konkurs Jeŭrabačańnie musiła pa jahonych zvyčajnych praviłach pryniać Ukraina, vykanaŭcy ź jakoj pieramahli letaś, ale heta va ŭmovach vajny, jakaja praciahvajecca, niemahčyma. Tamu zamiest Ukrainy Jeŭrabačańnie prachodzić u Vialikabrytanii. Rasiju i Biełaruś, jak suahresaraŭ, da konkursu nie dapuścili, a ŭsiaho ŭ im sioleta biare ŭdzieł 37 krain.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary