«Jon mianie nie zrazumieŭ». Kadyraŭ vidavočna nie zadavoleny pierśpiektyvaj pakłaści svajo vojska pad Bachmutam
Kiraŭnik Čačni Ramzan Kadyraŭ abviaściŭ, što aficyjna paprasiŭ Pucina adpravić padraździaleńni čačenskaha śpiecnaza «Achmat» u Bachmut zamiest PVK «Vahnier».
«Padpisaŭ list na imia viarchoŭnaha hałoŭnakamandujučaha Rasijskaj Fiederacyi U. U. Pucina z prośbaj dać daručeńnie pieradysłakavać padraździaleńni «Achmat» u h. Arciomaŭsk (Bachmut). List užo adpraŭleny», — havorycca ŭ telehram-kanale Kadyrava, tam ža prykładzienaja kopija lista.
Kadyraŭ apublikavaŭ taksama videa narady sa svaimi siłavikami, ale tolki viersiju na čačenskaj.
Videa narady na ruskaj apublikavaŭ u svaim kanale Pryhožyn.
U svajoj pramovie Kadyraŭ narakaje na Pryhožyna i PVK «Vahnier», što tyja paviali siabie «niapravilna». «Ja dumaŭ, jon mianie zrazumieje. Jon mianie nie zrazumieŭ», — havoryć Kadyraŭ pra Pryhožyna.
Kiraŭnik Čačni skazaŭ, što hety ŭčastak Bachmuta jany zabiaruć i źniščać «šajtanaŭ». Ale vahnieraŭcam pryjdziecca pačakać, pakul kadyraŭcy dajeduć i tam astalujucca.
Pakul hetaha nie adbudziecca, vahnieraŭcy, pavodle Kadyrava, buduć stajać u abaronie, «chočuć jany hetaha ci nie».
Kadyraŭ kaža, što srodki dla nastupleńnia ŭ jaho jość.
«Heta nievialiki ŭčastak. My zabiarom jaho», — abiacaje jon.
Rasija zamianiła pryjarytet zachopu Bachmuta na padrychtoŭku da kontrnastupu — ISW
Apieracyja «Bachmuckaja miasarubka» skončana». Pryhožyn abvinavaciŭ rasijskaje kiraŭnictva ŭ biessensoŭnaści apieracyi pad Bachmutam
Artyleryja USU źniščyła miescy zachoŭvańnia bojeprypasaŭ «vahnieraŭcaŭ» — Minabarony Ukrainy
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary
a źleva tam što za pacan? niejkaj nataŭskaj źniešnaści?
https://d2accbiqacj5y8.cloudfront.net/316176