Vaskrasienski raskazaŭ, što kamisija pa viartańni budzie pracavać cicha i niezaŭvažna. I aryhinalna patłumačyŭ, što staić za słovami Łukašenki «paŭzkom, na kaleniach»
Na minułym tydni adbyłosia pieršaje pasiadžeńnie kamisii pa viartańni biełarusaŭ, jakija zjechali za miežy. U efiry dziaržaŭnaha telebačańnia Juryj Vaskrasienski raspavioŭ pra ciažki los biełarusaŭ za miažoj i pra toje, čamu ab pracy kamisii mała čuvać.
U efiry prahramy ANT «PolitStandUp» Juryj Vaskrasienski namalavaŭ strašnuju karcinu stanovišča biełarusaŭ za miažoj.
Prapahandyst upeŭnivaje hledačoŭ u tym, što «za miažoj niesałodka — ścipły byt, ścipły stoł, pastajannaja baraćba za vyžyvańnie». A «tamtejšyja palityčnyja elity i čynoŭniki stvarajuć pieraškody tym, chto maje biełaruski pašpart».
Napužaŭšy hledačoŭ hroznymi pierśpiektyvami, Vaskrasienski zhadaŭ zaklik Łukašenki da biełarusaŭ, jakija vymušana pakinuli krainu: «Dadomu, na kaleniach, paŭzkom».
I patłumačyŭ hetyja słovy na svoj ład:
«U hetym, biezumoŭna, źjedlivym zakliku, svojeasablivym aleharyčnym vobrazie zaklučany hłyboki sens, kłopat, chvalavańnie, pieražyvańnie ab ludziach, jakija jašče ŭčora spakojna žyli ŭ našaj krainie, raścili dziaciej i navat časam chadzili na pracu».
Vaskrasienski paskardziŭsia taksama na toje, što apazicyja za miažoj «razharnuła mahutnuju kampaniju pa dyskredytacyi pracy kamisii [pa viartańni]». A tamu,
pryniataje rašeńnie ŭsiu dziejnaść pa viartańni biełarusaŭ vieści nie publična. Tonkaja, kropkavaja, dalikatnaja praca patrabuje juvielirnaj cišyni».
Vaskrasienski adznačyŭ, što «nichto nie honicca za kolkaściu, u hetaj dobraj spravie samym važnym zjaŭlajecca jakaść zroblenaj raboty».
Pieršaje pasiadžeńnie kamisii pa viartańni na čale z hienprakuroram Šviedam było 28 krasavika. Hienprakuratura paviedamiła, što im prajšło bolš za 60 zajavak.
Jak pisała «Trybuna», kamisii daručyli vyrašać los «niadobranadziejnych» futbalistaŭ.
Čytajcie jašče:
Dypłamatyčnyja krynicy: Vaskrasienski viarzie łuchtu
Vaskrasienski raspavioŭ, jak sustrakaŭsia z Pačobutam dziela jaho vyzvaleńnia
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary