Siońnia źjaviłasia infarmacyja, što biełarusa Valancina Ciško vyvieźli ź Lvova na miažu z Polščaj.
Jon padaŭsia va Ukrainie na status uciekača bolš jak paŭhoda tamu, piša «Biełsat», ale statusa ŭciekača nie atrymaŭ.
Siońnia stała viadoma, što Ciško vyvieźli ź Lvova na miažu z Polščaj.
Žychar Maładziečna Valancin Ciško pracavaŭ žurnalistam, byŭ palityčnym aktyvistam i aktyvistam ŁHBT-ruchu, a taksama atrymaŭ duchoŭny san u Hreckaj aŭtakiefalnaj pravasłaŭnaj carkvie Amieryki i Kanady — małalikaj niekananičnaj carkvie.
U 2019 hodzie jon bałatavaŭsia ŭ Pałatu pradstaŭnikoŭ Nacyjanalnaha schodu i prezientavaŭ siabie jak pieršy adkryty ŁHBT-kandydat. U adroźnieńnie ad bolšaści apazicyjnych pretendentaŭ, Ciško tady zarehistravali ŭ jakaści kandydata.
Va Ukrainie Ciško žyŭ z 2021 hoda.
«Ja znachodžusia na samym zachadzie Ukrainy — heta horad Lvoŭ, — raskazvaŭ jon radyjo «Racyja» 18 dzion tamu. — Na majo ščaście, ja ŭ hłybokim tyle. Tut ja ŭžo dva hady. U pryncypie na siońnia ŭsio vyhladaje bolš-mienš cudoŭna i narmalna. Cišynia, nas bolej nie bambiać. Narod pryvyk užo da pavietranych tryvoh, da palicyi ŭ horadzie, da vajskoŭcaŭ. Tamu zaraz usio narmalna».
Ukraina stała nieachvotna davać status uciekača i dazvoły na žycharstva hramadzianam Biełarusi, paśla taho jak naša kraina była vykarystanaja rasijskimi vojskami dla napadu na susiedniuju dziaržavu.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary