«Dahetul u balnicy, stan siaredniaj ciažkaści». Što viadoma na hety momant pra stan Viktara Babaryki
Aficyjnaj infarmacyi pra špitalizacyju i stan zdaroŭja palityka za dzień tak i nie źjaviłasia.
Pa źviestkach inicyjatyvy «Rabočy ruch», Babaryku dastavili ŭ balnicu ŭ noč z 24 na 25 krasavika.
Siońnia ŭdałosia paćvierdzić špitalizacyju Babaryki. Pra heta «Radyjo Svaboda» skazali ŭ samoj navapołackaj balnicy. Babaryka lažaŭ tam u chirurhičnym adździaleńni.
Pavodle nieaficyjnych źviestak, jakija atrymaŭ «Pozirk», u palityka ŭ lohkich vyjavili vadu.
Pra toje, što Babaryka sam chodzić i ŭ jaho staić drenažnaja pryłada, paźniej paviedamiŭ «Biełsat». Babaryka ŭ chirurhiju moh trapić ź pnieŭmatoraksam.
«Vyhladaje źbitym, ale jaho dyjahnaz ja nie viedaju», — pierakazvaŭ słovy svajoj krynicy «Biełsat».
Pavodle infarmacyi štaba Babaryki, palityk usio jašče znachodzicca ŭ centralnaj haradskoj balnicy Navapołacka.
Lekary paćvierdzili, što było praviedzienaje abśledavańnie, advodziać vadkaść ź lohkich. Stan Viktara aceńvajecca jak siaredniaj ciažkaści. Jon znachodzicca pad nahladam miedycynskaha piersanału balnicy.
Ab pryčynach špitalizacyi pa-raniejšamu nie paviedamlajecca.
Lubaja transparciroŭka, piša štab Babaryki, na siońniašni momant moža być spałučanaja z pahrozaj žyćciu i zdaroŭju palityka.
Što mahło zdarycca z Babarykam za kratami?
Vykazvajecca viersija, što Babaryka moh być źbity ŭ kałonii. Pnieŭmatoraks, jaki padazrajuć u palityka, časta ŭźnikaje paśla traŭmy hrudnoj kletki. Ale byvaje i spantanny pnieŭmatoraks.
Taksama, mahčyma, što ŭ viaźnia ŭźnikli prablemy sa zdaroŭjem z-za ŭmoŭ u kałonii i ciažkaj pracy, na jakuju jaho pastavili — Babaryka vypalvaje ŭ kałonii draŭniany vuhal. Abo niaščasny vypadak.
Viktara Babaryku, jaki, miarkujučy pa apytańniach hramadskaj dumki, napiaredadni prezidenckich vybaraŭ 2020 hoda byŭ samym papularnym sapiernikam Alaksandra Łukašenki, źniavolili 18 červienia 2020 hoda, a ŭ lipieni 2021 hoda jamu prysudzili 14 hadoŭ pazbaŭleńnia voli nibyta za «lehalizacyju srodkaŭ, atrymanych złačynnym šlacham» i «atrymańnie chabaru».
Palityka ŭtrymlivajuć u navapołackaj kałonii №1. Alaksandr Kabanaŭ nazyvaje viaźnicu adnoj z najhoršych pa ŭmovach.
Byłyja źniavolenyja kałonii kažuć, što Viktar Babaryka znachodzicca ŭ izalacyi. Siadzielcam zabaroniena ź im kamunikavać.
Paśla taho, jak źjaviłasia infarmacyja pra špitalizacyju Babaryki Śviatłana Cichanoŭskaja zapatrabavała, kab jaho publična prademanstravali, pakazaŭšy, u jakim jon stanie, i dapuścili da jaho advakataŭ i svajakoŭ.
Paplečniki Viktara Babryki kažuć, što ad palityka kala dvuch miesiacaŭ niama karespandencyi, a advakat, jakoha zatrymlivali padčas abłavy na adkavataŭ u kancy sakavika, apošni raz sustrakaŭsia ź im bolš za miesiac tamu.
«Naša Niva» — bastyjon biełaruščyny
PADTRYMAĆHladzicie taksama:
«Uvieś čorny». Što apošniaje było viadoma pra Viktara Babaryku ŭ navapołackaj kałonii
Mianiajuć kiraŭnika navapołackaj kałonii, dzie siadziać Babaryka i Łosik
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary