U 2022 hodzie na aŭkcyjon try razy vystaŭlali łot pa prodažy majomaści viadomaha palitviaźnia Viktara Babaryki. Havorka išła pra aptyčny pryceł Victory V8 z drapinami na korpusie, daviedałasia «Viciebskaja viasna».
Aptyčny pryceł Babaryki na tarhi vystaŭlali ŭ minułym hodzie trojčy.
Pieršy raz pryceł pradavali letaś u lipieni. Pačatkovy košt łota składaŭ 1 400 rubloŭ. U tarhach uziali ŭdzieł vosiem čałaviek, pieramoh udzielnik, jaki prapanavaŭ sumu 5 306 rubloŭ. Adnak aŭkcyjon pryznali niesapraŭdnym, bo pieramožca nie apłaciŭ pakupku.
Druhi raz aŭkcyjon prajšoŭ u vieraśni 2022 hoda, pačatkovuju canu na pryceł źnizili da 1 120 rubloŭ. U aŭkcyjonie ŭziali ŭdzieł siem čałaviek, pieramahła staŭka 4 599,40 rubla. Ale, jak i pieršy raz, łot nie apłacili, aŭkcyjon nie adbyŭsia.
Treci raz pryceł pradavali letaś u listapadzie. U tarhach uziali ŭdzieł 11 čałaviek. Łot ucanili da 840 rubloŭ, jaho pradali za 3 918,6 rubla, na hety raz pryceł apłacili.
59-hadovy Viktar Babaryka, jaki mieŭ być asnoŭnym kankurentam Łukašenki na prezidenckich vybarach 2020 hoda, byŭ aryštavany padčas vybarčaj kampanii letam 2020-ha i paśla byŭ asudžany na 14 hadoŭ za lehalizacyju («admyvańnie») srodkaŭ, atrymanych złačynnym šlacham i atrymańnie chabaru. Jon adbyvaje pakarańnie ŭ navapołackaj papraŭčaj kałonii №1 va ŭmovach uzmocnienaha režymu.
U 2021 hodzie z małatka syšoŭ aryštavany aŭtamabil Ford Fiesta Viktara Babaryki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary