Iłan Mask, uładalnik kampanii Twitter i adzin z najbahaciejšych ludziej śvietu, daŭ intervju Bi-bi-si, u jakim raspavioŭ, što kiravać svaim novym nabyćciom «davoli baluča» i što jon hatovy pradać kampaniju, kali znojdzie dobraha pakupnika.
Mask, jakomu taksama naležać kampanii Tesla i SpaceX, kupiŭ Twitter za 44 młrd dalaraŭ u kastryčniku paśla niekalkich miesiacaŭ pieramoŭ i sudovych razhladaŭ. Asabistaje bahaćcie Maska aceńvajecca amal u 190 młrd dalaraŭ, što, pavodle śpisa miljarderaŭ Forbes, robić jaho druhim najbahaciejšym čałaviekam u śviecie.
Intervju, jakoje, pa jaho ŭłasnych słovach, Mask vyrašyŭ dać «spantanna», tranślavałasia ŭ žyvym efiry z San-Francyska z dapamohaj Twitter Spaces i sabrała bolš za try miljony słuchačoŭ i hledačoŭ.
U hutarcy z karespandentam Bi-bi-si Mask skazaŭ, što kiravać kampanijaj niaprosta. «Heta zusim nie viečarynka, heta vielmi składany praces, — skazaŭ jon. — Zatoje niasumna, heta sapraŭdnyja amierykanskija horki».
Mask pryznaŭsia, što na praciahu apošnich niekalkich miesiacaŭ «situacyja była sapraŭdy davoli stresavaj», ale pa-raniejšamu ličyć, što kupla kampanii była pravilnym rašeńniem.
Pavodle jaho słoŭ, u cełym spravy ŭ Twitter iduć niadrenna: sajt pracuje i im karystajucca ŭsio čaściej.
Pracy stolki, što časam kiraŭniku kampanii davodzicca spać u ofisie. Mask raspavioŭ, što ŭ jaho dla hetaha jość miesca na kanapie ŭ biblijatecy, «kudy nichto nie chodzić».
Jašče da kupli Twitter adnosiny Maska z hetaj sacyjalnaj sietkaj byli niaprostymi. «Ci stralaŭ ja sabie ŭ nahu svaimi tvitami? Tak, nie raz, — skazaŭ jon. — Dumaju, mnie nie treba pisać tvity paśla treciaj hadziny nočy».
Mask zajaviŭ, što chacieŭ zapłacić mienš za Twitter paśla taho, jak vyjaviŭ, što bolš aŭtamatyzavanych botaŭ u sietcy. Kali b jamu prapanavali 44 młrd prosta ciapier, jon by nie pradaŭ Twitter, skazaŭ Mask, ale zatym udakładniŭ, što pradaŭ by, kali b byŭ upeŭnieny, što novy ŭładalnik — praŭdzivy prychilnik idei kazać praŭdu.
Iłan Mask admoviŭsia vydalać z tvitara dopis Dźmitryja Miadźviedzieva pra «źniknieńnie» Ukrainy
Iłan Mask zabraŭ u The New York Times siniuju ptušačku ŭ tvitary z-za admovy płacić za padpisku
Tvitar Maska panižaje rejtynh luboj publikacyi pra vajnu va Ukrainie
-
Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ
-
U Polščy zatrymanyja 32 čałavieki za supracoŭnictva z rasijskimi śpiecsłužbami. Siarod ich jość i biełarusy
-
U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy20
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary