Sachaščyk: KDB rychtuje pravakacyi na zachodniaj i paŭdniovaj miežach Biełarusi
Režym rychtuje pravakacyi na miežach Biełarusi, pryzyvaje tysiačy vajskoŭcaŭ zapasu, na jakich ładziać sapraŭdnaje palavańnie, raście ahulny ŭzrovień ahresii da susiednich krain. Ab hetym «Biełsatu» raskazaŭ Valeryj Sachaščyk.
Pradstaŭnik Abjadnanaha pierachodnaha kabinieta (APK) ŭ spravie abarony i nacyjanalnaj biaśpieki Valeryj Sachaščyk paviedamiŭ, što vałodaje infarmacyjaj ab płanach Alaksandra Łukašenki pa dalejšaj militaryzacyi situacyi ŭ krainie i pavyšeńni ŭzroŭniu ahresii da krain-susiedziaŭ.
Pavodle źviestak Sachaščyka, u hety momant u Bresckaj vobłaści «adbyvajucca praktyčnyja mierapryjemstvy pa pryzyvie tysiač vajskoŭcaŭ zapasu dla kamplektavańnia złučeńniaŭ i vajskovych častak i dalejšaha ich zładžvańnia. Pry hetym zadziejničajuć dziaržaŭnyja i navat pryvatnyja pradpryjemstvy, dzie ładziać sapraŭdnaje palavańnie na biełarusaŭ».
Sachaščyk kaža, što režym rychtujecca da pravakacyjnych dziejańniaŭ na dziaržaŭnych miežach Biełarusi: «Viadoma, što KDB daŭno raspracavaŭ płan pravakacyi na zachodniaj i paŭdniovaj miažy, naprykład, u suviazi ź viasnovym nastupleńniem ZSU abo z praviadzieńniem samitu NATA ŭ Vilni 11-12 lipienia».
Kamientujučy atrymanyja źviestki, pradstaŭnik APK adznačyŭ, što situacyja ŭ Bresckaj vobłaści naŭprost źviazanaja z ahulnaj łohikaj, pa jakoj dziejničaje režym Łukašenki, pačynajučy z 2020 hoda.
«Mižnarodnaja izalacyja i narastańnie ŭnutranaha napružańnia prymušajuć Łukašenku pastajanna pavyšać uzrovień ahresii ŭ adnosinach da našych susiedziaŭ. Jon uviazvajecca ŭ lubuju avanturu na zachodniaj miažy i kožny raz pahražaje, što, maŭlaŭ, kali zaraz ź im nie damoviacca, to budzie jašče horš. Ciapier realizujecca čarhovy etap hetaha płana. U suviazi z hetym my pavinny razumieć, što ad pahrozy ahresii da samoj ahresii ŭsiaho adzin krok, tamu ŭsim nam treba być uvieś čas hatovymi da taho, što ŭ Łukašenki ŭ niejki momant nie vytrymajuć niervy ci jaho prosta piśmienna padšturchnie da hetaha Rasija», — skazaŭ Valer Sachaščyk.
Pradstaŭnik Abjadnanaha pierachodnaha kabinieta ŭ spravie abarony i nacyjanalnaj biaśpieki ličyć, što dla patryjotaŭ u Biełarusi i pa-za jaje miežami adzinaj pravilnaj reakcyjaj na takija niervovyja i pravakacyjnyja dziejańni režymu moža być tolki rost hatovaści dać adkaz ahresii.
«My, biełarusy, atrymlivajem infarmacyju pra płany Łukašenki. Susiednija krainy ŭžo taksama razumiejuć łohiku ahresara, jakoj kirujecca Łukašenka. Adpaviedna, raście naša hatovaść da adbićcia hetaj ahresii ŭ luboj jaje formie. U hetym mohuć udzielničać biełarusy jak pa hetym baku miažy, tak i na terytoryi, jakuju pakul jašče kantraluje režym», — zajaviŭ Sachaščyk.
Čytajcie taksama:
«Pavyšanaj pahrozy na miažy ź Biełaruśsiu nie fiksujecca» — litoŭskaja armija
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary