Nieŭzabavie, jak abiacajuć bresckija čynoŭniki, da turystyčnych atrakcyj rehijona dałučycca jašče adzin adnoŭleny sakralny budynak — kaplica śviatoha Kazimira ŭ Ružanach Pružanskaha rajona.
Kamiennaje zbudavańnie z čatyrochkałonnym porcikam na hałoŭnym fasadzie i nievysokim dacham epochi kłasicyzmu źjaviłasia ŭ Ružanach u kancy ChVIII stahodździa. Chram azdablali lapnyja architekturnyja detali fasadaŭ i interjera, ale jany vyhladali strymana. Kaplica ŭvachodziła ŭ kompleks bazyljanskaha manastyra i źniešnim vyhladam adpaviadała svajmu pryznačeńniu.
— I choć pomnik historyi i kultury adnosna dobra zachavaŭsia dla pabudovy jaho ŭzrostu, asabliva chutka staŭ razburacca ŭ kancy minułaha — pačatku hetaha stahodździa. Što i nie dziva: pabudova nijak nie vykarystoŭvałasia, nie značyłasia na bałansie, — havoryć staršynia Ružanskaha sielsavieta Aksana Jurkoŭskaja. — U abaronu pomnika vykazvalisia pradstaŭniki hramadskaści, śpiecyjalisty. Było niekalki sprob sabrać srodki na restaŭracyju, i voś narešcie fundatary znajšlisia. Z 2019 hoda my zajmalisia hetym pytańniem, zrabili ŭsie dakumienty. A pazaletaś rašeńniem siesii sielvykankama kaplicu pieradali na bałans relihijnaj abščyny prychoda Śviatoj Trojcy, jakaja ciapier i vystupaje zakazčykam budaŭničych i restaŭracyjnych rabot».
Śpiecyjalisty filijała «Brestrestaŭracyja» AAT «Biełrestaŭracyja» pracujuć na abjekcie z sakavika minułaha hoda.
Architektary adznačajuć dobruju zachavanaść asobnych častak pabudovy. Naprykład, ałtar faktyčna akazaŭsia niepaškodžany, zastalisia elemienty dekoru i karnizy. Na frantonie budynka całkam adnavili kryž.
Śćviardžajecca, što restaŭratary pastaralisia zachavać jak maha bolš aŭtentyčnych elemientaŭ, i aryhinalnyja belki ŭdałosia častkova zachavać. Ciapier pačynajuć unutranuju i źniešniuju adździełku ścien.
Navukovy kiraŭnik i hałoŭny architektar prajekta filijała «Brestrestaŭracyja» Śviatłana Korsunava havoryć, što kaplica stała adnym z najcikaviejšych abjektaŭ apošnich hadoŭ:
«Usio-taki budynak u paraŭnańni z tym ža Ružanskim pałacam paciarpieŭ mienš, choć i byŭ u avaryjnym stanie.
Cahlanuju padłohu my faktyčna adnaŭlajem z sučasnych materyjałaŭ, zachavaŭšy tolki jaje ideju. A voś tynkoŭka miescami dobra zachavałasia.
Jaje adnaŭlajem na padstavie fizika-chimičnych daśledavańniaŭ farby, jakija pravodziać śpiecyjalisty našaj łabaratoryi i łabaratoryi Bresckaha techničnaha ŭniviersiteta».
Zaviaršyć usie raboty płanujecca hetym letam.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary