Pratasievič prakamientavaŭ mahčymuju ekstradycyju ŭ Rasiju Safii Sapiehi
«My ničoha nie abmiarkoŭvali z hetaj nahody», — skazaŭ błohier.
Padčas sudovaha pasiadžeńnia Raman Pratasievič prakamientavaŭ dziaržSMI mahčymuju ekstradycyju Safii Sapiehi ŭ Rasiju.
«Heta asabistaja sprava Safii i jaje siamji, kali jana tak choča adbyvać pakarańnie ŭ Rasii. My ź joj užo daŭno nie mieli kantaktu i ničoha nie abmiarkoŭvali z hetaj nahody», — adznačyŭ Raman Pratasievič, pryvodzić jaho słovy «Minskaja praŭda».
Pa spravie taksama źmieniena abvinavačańnie Ściapanu Puciłu (jaho i Jana Rudzika sudziać razam z Pratasievičam zavočna).
Pieršapačatkova fihurantam spravy było vystaŭlena abvinavačańnie pa bolš čym 10 artykułach Kryminalnaha kodeksa, siarod jakich u tym liku fihuruje zmova z metaj zachopu ŭłady.
Ź pieraliku abvinavačańnia, ahučanaha ŭ samym pačatku pracesu, ciapier Puciłu nie vystaŭleny č. 2 art. 342 i č. 3 art. 293, a taksama kankretyzavana apisańnie jaho złačynnaj dziejnaści. Heta značyć, u epizodach, jakija tyčacca arhanizacyi biesparadkaŭ i dziejańniaŭ, jakija hruba parušajuć hramadski paradak, u novym abvinavačańni ŭžo nie ŭkazvajecca, što abvinavačvany ažyćciaŭlaŭ navučańnie i materyjalnaje zabieśpiačeńnie asob dla ŭdziełu ŭ takich dziejańniach.
U pracesie abvieščany pierapynak da 13 krasavika.
Prakuratura naličyła 30 miljonaŭ rubloŭ škody ad dziejnaści Nexta
Pratasieviču, Puciłu i Rudziku inkryminujecca nie mienš za 1586 złačynstvaŭ
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ18
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary