«Radyjo Svaboda» stvoryć zabaŭlalnaje telebačańnie, jakoje choča pryciahnuć zorak nakštałt Maksima Hałkina
Fundavanaja ŭradam ZŠA arhanizacyja RFE/RL, u jakuju ŭvachodzić «Radyjo Svaboda» i telekanał «Nastojaŝieje vriemia», stvaraje zabaŭlalnaje telebačańnie, paviedamili čatyry krynicy «Ahienctva» i paćviardžaje RFE/RL. Da pracy nad im prapanujecca pryciahnuć rasijskich zorak, u tym liku Maksima Hałkina.
Pavodle krynic, zabaŭlalnaje telebačańnie — heta płatforma Votvot. Banier z nazvaj płatformy vystaŭlali ŭ studzieni pry adkryćci ryžskaha ofisa RFE/RL. Płatforma taksama zhadvałasia ŭ paviedamleńni ab adkryćci ryžskaha ofisa, adnak nijakich inšych detalaŭ pra jaje tady nie paviedamlałasia.
Votvot pradstavić niedastupny ŭnutry Rasii kulturny kantent, u tym liku satyru biez cenzury, muzyku vyhnanych i zabaronienych vykanaŭcaŭ, dakumientalnyja filmy na vostryja temy, a taksama naviny, paviedamiŭ «Ahienctvu» pradstaŭnik RFE/RL.
Jon taksama ŭdakładniŭ, što Votvot budzie biaspłatna dastupny va ŭsich asnoŭnych kramach mabilnych dadatkaŭ i Smart TV, a taksama ŭ sacyjalnych sietkach, uklučajučy YouTube.
Dva surazmoŭcy «Ahienctva», znajomyja z tym, što adbyvajecca na «Radyjo Svaboda», čuli pra płany zaprasić satyryka Maksima Hałkina. Adzin ź ich raspavioŭ, što da pracy nad płatformaj pryciahnuty scenaryst i piśmieńnik Michaił Idaŭ («Łondohrad», «Duchless 2», «Leta»).
«Radyjo Svaboda» na pytańnie, ci vialisia pieramovy z Hałkinym i ci zjavicca jon na novaj płatformie, paviedamiła, što «ź vialikaj pavahaj stavicca da Maksima Hałkina, ale ciapier jon nie ŭdzielničaje ŭ hetaj inicyjatyvie». Michaił Idaŭ supracoŭničaje ź viaščalnikam jak daradca.
Płatforma Votvot pavinna zapracavać užo ŭ hetym miesiacy, raspavioŭ adzin z surazmoŭcaŭ.
Paśla pačatku vajny rasijskija zorki, jakija vystupajuć suprać vajny, sutyknulisia z masavaj admienaj svaich kancertaŭ. Ich taksama prybrali z efiraŭ.
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju6
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary
Nia hladzicie racejskamoŭnyja ciktoki instahramy jutuby, nie spryjajcie rucifikacyi, kali jość svaje, jeść anhlijskija, niamieckija, ispanskija, francuzkija, ispanskija, ukrainskija.
Možna lohka pražyci biez rasiejskaj!
Hašyja ppodki na raciejskaj nie pazmaŭlali! heta ŭsie prymycova nacadžana!