Kolkaść ździełak pa davieranaści ŭ Minsku pavialičvajecca, raspavioŭ namieśnik načalnika adździeła kansałtynhu i analityki ahienctva nieruchomaści «Tvaja stalica» Andrej Čarnyšoŭ.
Čarnyšoŭ adznačyŭ, što ździełki ź nieruchomaj majomaściu pa davieranaści byli zaŭsiody, ale ŭ 2019 hodzie ŭ ahulnaj masie ich było ŭsiaho 3—5 %, u 2021—2022 ich kolkać vyrasła da 10—15 %. Ciapier ich dola składaje 30 %.
Pavodle Čarnyšova, pradajuć nieruchomuju majomaść jak tyja biełarusy, što pierajechali niadaŭna, tak i suajčyńniki, jakija žyvuć u inšych krainach hod ci niekalki hadoŭ.
Abjekty, jakija vystaŭlajuć na prodaž, — heta ŭ asnoŭnym šmatpakajovyja kvatery ŭ dobrych rajonach i z ramontam.
Bolš za 50% pradaŭcoŭ žyvuć u Polščy, astatnija — u Čechii, Izraili, Litvie, Estonii, ZŠA.
Ekśpiert źviartaje ŭvahu, što ciapier mianiajucca patrabavańni da davieranaściaŭ, tamu raić pierad tym, jak iści da nataryusa, udakładnić farmuloŭki ŭ śpiecyjalistaŭ pa nieruchomaści — heta dazvolić sekanomić i čas, i srodki.
Prapanova na rynku nieruchomaści siońnia značna pieravyšaje popyt. Pa danych ahienctva, na adnaho patencyjnaha pakupnika prychodzicca siem kvater.
«Babuliny» kvatery za $ 160, a kolki za «elitku»? Pačym zaraz u Minsku doŭhaterminovaja arenda kvater
«Najlepšy zaharadny dom u Biełarusi, premium-kłas!» Jakija damy pradajuć na bierazie Naračy
Nabližany da Łukašenki biznesoviec zbudavaŭ kompleks nasuprać Pałaca Niezaležnaści. Voś jak jon vyhladaje
Hladzicie, jaki pientchaus ź dzirkaj u stoli pradajecca ŭ Minsku
Ciapier čytajuć
Pavietranaja himnastka pakazała zakuliśsie pracy ŭ Biełdziaržcyrku8
Kamientary