Čałaviek, jaki tolki prajšoŭ Akreścina, raskazaŭ, što takoje karusieli
«Bolšaść supracoŭnikaŭ davoli vietlivyja, i adčuvajecca, što jany spačuvajuć, ale praciahvajuć rabić svaju pracu», — apisaŭ svoj kašmar supracoŭnik IT-siektara, jaki tolki što prajšoŭ praz Akreścina i mahiloŭskuju turmu. Jaho kalehi pieradali raskazanaje im u «Našu Nivu».
«Na Akreścina hałoŭny dyskamfort byŭ u tym, što 25 čałaviek u kamiery, dzie čaćviora naraŭ, na 12 kvadratnych mietraŭ. Karmili dobra, akno adčyniałasia, ale nie było matracaŭ, ludzi spali na padłozie i na mietaličnych łožkach pokatam. Nočču pa-raniejšamu nie vyklučajuć śviatło, dva razy za noč padymajuć na pierakličku.
Vobšuk raz na dzień. Mycca i na špacyr nie vodziać. Knihi čytać nielha.
U nas u kamiery siadzieli miedyk, prafiesar adnoj i dacent inšaj VNU, dyk jany lekcyi čytali nam», — raskazaŭ ajcišnik.
«Potym pieraviali ŭ Mahiloŭ. Tam umovy horšyja. Šmat kłapoŭ, usie strašna pakusanyja, štodnia pieravodziać u novuju kamieru. Try razy na dzień biessensoŭny, prosta dla prynižeńnia, ahlad, pryčym raździavacca treba całkam. Akno nie adčyniajecca, niama čym dychać. Na Akreścina elemientarnyja leki davali. U Mahilovie lekar nie prychodziŭ ni razu.
Adzinaje, u Mahilovie karmili vielmi smačna, u razy lepiej za Akreścina».
«U asnoŭnym supracoŭniki i na Akreścina, i ŭ Mahilovie — moładź, časta z pravincyi, jašče ź biełaruskim akcentam havorać».
«Bolšaść supracoŭnikaŭ davoli vietlivyja i adčuvajecca, što jany spačuvajuć, ale praciahvajuć rabić svaju pracu, — adznačaje ajcišnik. — Ludziej katujuć kłapami, ciesnatoj i pazbaŭleńniem snu, choć i spačuvajuć im».
«Mnohija, z kim ja siadzieŭ, adbyvali svaje sutki ŭžo druhi-treci raz zapar. Byvaje, tolki vychodziać z Akreścina, a ich užo čakaje milicyja i viazie ŭ RUUS. Abo vyjduć, pieranačujuć doma, a ranicaj znoŭ da ich prychodziać. Kala pałovy z tych, z kim ja siadzieŭ, prajšli hetkija «karusieli»,— raskazaŭ kaleham ajcišnik.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo za simpatyi da Ukrainy. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆCiapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?14
Kamientary
Cudoŭnaja navina.