Ahrakambinat «Dziaržynski» praciahvaje pašyracca, dałučaje «Minski miasakambinat»
Paviedamleńnie ab tym, što «Minski miasakambinat» pierachodzić da AAT «Ahrakambinat «Dziaržynski», źjaviłasia na Adzinym partale finansavaha rynku. Adpaviednaje rašeńnie było pryniataje akcyjanierami «Minskaha miasakambinata» 30 sakavika, piša Reform.by.
«Paradak raźmierkavańnia akcyj siarod udzielnikaŭ akcyjaniernaha tavarystva pry rearhanizacyi nie ŭstanoŭleny», — havorycca ŭ paviedamleńni. Abodva pradpryjemstvy kantralujucca dziaržavaj.
Paśla dałučeńnia «Minskaha miasakambinata» ahrakambinat «Dziaržynski» ŭzmocnić svaje pazicyi ŭ jakaści adnaho z najbujniejšych ahrarnych pradpryjemstvaŭ krainy. U apošnija hady jon značna pašyryŭsia za košt pahłynańnia inšych dziaržaŭnych aktyvaŭ.
Tak, u 2021 hodzie pradpryjemstva atrymała ŭ kiravańnie AAT «1-ja Minskaja ptuškafabryka», a na pačatku hetaha hoda kančatkova zaviaršyła praces jaje dałučeńnia. Akramia taho, niadaŭna da ahrakambinata byli dałučanyja KSUP «Łohavišča-Ahra», raźmieščanaje ŭ vioscy Łohavišča Dziaržynskaha rajona, i AAT «Kastryčnickaja revalucyja», jakoje znachodzicca ŭ vioscy Hryčyna taho ž rajona.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary