Papu Rymskaha Franciška vypisali sa špitala paśla troch dzion znachodžańnia tam ź lohačnaj infiekcyjaj, paviedamlaje TASS.
Pry vychadzie z balnicy pantyfik spyniŭsia, kab pahavaryć z žurnalistami i prysutnymi kala ŭvachodu viernikami. Jon adkazvaŭ na pytańni i žartavaŭ.
— Jak vy pačuvajeciesia? — spytali ŭ Franciška.
— Usio jašče žyvy, viedajecie, — z uśmieškaj adkazaŭ jon.
Pantyfika špitalizavali niekalki dzion tamu. U zajavie Katalickaj carkvy tady było skazana, što ŭ apošnija dni ŭ pantyfika byli ciažkaści z dychańniem, adnak kavid u jaho nie vyjaŭleny. Francišak maje patrebu ŭ «niekalkich dniach nieabchodnaha balničnaha dohladu», piša Vatykan.
Ciapier u rabočym hrafiku 86-hadovaha pantyfika asabliva šmat padziej — z ulikam padrychtoŭki da Vialikadnia, jaki sioleta budzie adznačacca 9 krasavika.
U hetyja vychadnyja ŭ Vatykanie pavinna adbycca słužba z nahody ŭvachodu Haspodniaha ŭ Ijerusalim (abo imša Vierbnaj niadzieli).
U kancy krasavika Francišak taksama pavinien ździejśnić vizit u Vienhryju.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary