Z 1 krasavika ŭ anłajn-kinateatry biełaruskaha kino Vodblisk źjavicca novy film
1 krasavika ŭ anłajn-kinateatry biełaruskaha kino Vodblisk źjavicca film Juli Šatun «Miežy». Heta ŭžo druhi biełaruski film, jaki stanie dastupnym na płatformie.
Biełaruskaja režysiorka Jula Šatun stała dla mnohich sapraŭdnym kinaadkryćciom 2017 hoda. Poŭnamietražny debiutny film režysiorki «Zaŭtra» ŭ 2018 hodzie zavajavaŭ adrazu čatyry ŭznaharody na bujnym Mižnarodnym kinafiestyvali ŭ Marsieli. A ŭ 2019-m Jula źniała film «Miežy» — heta aŭtarskaje, vielmi aryhinalnaje pa formie paetyčnaje kinaese na temu pošukaŭ svajoj i čužoj, asabistaj i mastackaj identyčnaści ŭ źmienlivym śviecie.
Ideja filma naradziłasia ŭ ciahniku, tam ža pačynajecca i kinahistoryja. Heta film-padarožža pa čatyroch haradach, a taksama pa sučasnaści i minułym, bo vykarystoŭvajucca kadry, źniatyja režysiorkaj u sučasny pieryjad i jaje baćkam 25 hadoŭ tamu. Jany źlivajucca ŭ adno hałasavoje paviedamleńnie nieviadomamu čałavieku i tak ci inakš pryvodziać nas da niejkich bačnych ci niabačnych miežaŭ u hieahrafii, historyi ci kiniematahrafii.
Dakumientalnaja stužka «Miežy» demanstravałasia ŭ pieršaj za historyju isnavańnia biełaruskaj prahramie fiestyvalu kino Paŭnočnych i Bałtyjskich krain «Paŭnočnaje źziańnie» ŭ 2020 hodzie.
Anłajn-kinateatr biełaruskaha kino Vodblisk taksama zasnavany ŭ lutym kamandaj «Paŭnočnaha źziańnia». Novyja stužki ŭ im dadajucca štomiesiac. Kab hladzieć filmy ŭ biełaruskim anłajn-kinateatry, treba zarehistravacca. Dostup da luboha filma kaštuje 5 dalaraŭ i vydajecca na 30 dzion, za hety čas film možna pierahladzieć kolki zaŭhodna razoŭ.
Pieršy film źjaviŭsia na hetaj płatformie 1 sakavika. Im stała stužka «Maja babula z Marsa» — dakumientalnaje kino pra babulu režysiora ŭ anieksavanym Krymie, źniataje Alaksandram Michałkovičam.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary