Byłomu kiraŭniku łukašenkaŭskaha pułu Dźmitryju Siemčanku dali try hady kałonii
Siońnia byŭ vyniesieny prysud byłomu žurnalistu ANT, kiraŭniku łukašenkaŭskaha pułu Dźmitryju Siemčanku. Jamu prysudzili try hady kałonii. Stolki i prasiŭ prakuror.
Dźmitryja Siemčanku i jaho žonku Juliju zatrymali 15 vieraśnia nibyta za «reposty z ekstremisckich telehram-kanałaŭ». Pakolki siamja vychoŭvaje niepaŭnaletniaha syna, maci abyšłasia štrafam u pamiery 960 rubloŭ, a Dźmitryja aryštavali na 15 sutak — praŭda, užo z novaj farmuloŭkaj «za chulihanstva».
Adnak praz 15 sutak Dźmitryj na volu nie vyjšaŭ. Na jaho byŭ składzieny novy pratakoł, vynikam jakoha byli 13 sutak aryštu.
13 kastryčnika stała viadoma, što ŭ dačynieńni da jaho zaviedziena kryminalnaja sprava za raspalvańnie sacyjalnaj varožaści (č.1 art. 130 Kryminalnaha kodeksa Biełarusi). Padčas suda Dźmitryj svaju vinu pryznaŭ.
Minski haradski sud 23 sakavika pakaraŭ Siemčanku tryma hadami kałonii za «raspalvańnie varažniečy» suprać aficyjnych pradstaŭnikoŭ ułady.
Ciaham 2009-2020 hadoŭ u jakaści śpiecyjalnaha karespandenta, a paśla palityčnaha ahladalnika Dźmitryj Siemčanka pracavaŭ na telekanale ANT. Jon pieramožca prafiesijnaha konkursu «Televiaršynia», łaŭreat šmatlikich premij siarod pradstaŭnikoŭ dziaržaŭnyja ŚMI. Za «sukupnaść zasłuh» uznačaliŭ «prezidencki puł» z najbližejšaha miedyjnaha atačeńnia Alaksandra Łukašenki.
Adnak u žniŭni 2020-ha publična asudziŭ biesprecedentnuju žorstkaść siłavych struktur i na znak pratestu zvolniŭsia z telekanała.
Nieŭzabavie pa jaho pryjšła «hrupa zachopu», doma zładzili pieratrus.
Śledam sudździa Frunzienskaha rajonu Julija Bliźniuk pakarała byłoha televiadoŭcu 15 sutkami aryštu pavodle «narodnaha» artykuła 23.34 KaAP («udzieł u niesankcyjanavanym masavym mierapryjemstvie»dy jašče padčas pracy ŭ dziaržaŭnaj ustanovie).
U kancy 2020 hoda Dźmitryja Siemčanku zaprasili na pasadu pijar-mieniedžara ŭ kampaniju «Biełahra», jakaja zajmajecca prodažam biełaruskaj sielhastechniki i zapčastak. A letaś siłaviki praktyčna razhramili firmu za toje, što tam znajšoŭ prytułak «zdradnik režymu».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary