Rasija zdymaje z zachoŭvańnia tanki T-54 stalinskich časoŭ i adpraŭlaje va Ukrainu
Z bazy na Dalokim Uschodzie vyvoziać savieckija tanki T-54 i T-55. Pra heta paviedamlajuć analityki z Conflict Intelligence Team (CIT), u rasparadžeńni jakich akazalisia fatahrafii ešałona, jaki pieravozić vajskovuju techniku.
Pavodle infarmacyi CIT, ešałon z technikaj niadaŭna adpraviŭsia z horada Arsieńjeŭ Prymorskaha kraju, dzie znachodzicca 1295-ja Centralnaja baza reziervu i zachoŭvańnia tankaŭ. Na fotazdymkach analityki apaznali savieckija siarednija tanki siamiejstva T-54/55. U adnym ešałonie znachodzilisia i tanki T-54, i tanki, jakija mohuć być bolš poźnimi T-54 abo T-55.
Novosť, kotoraja poradujet lubitielej kleiť tančiki: v rasporiažienii našiej komandy okazaliś fotohrafii ešiełona, viezuŝieho tanki T-54 sieriediny XX vieka iz Primorskoho kraja na zapad. My vidim v etom priznak dieficita bronietiechniki v VS RFhttps://t.co/OkzpLK1b1y pic.twitter.com/9ffr8p0oCY
Raniej CIT užo paviedamlała ab adpraŭcy vajskovaj techniki z hetaj bazy — ź jaje adpraŭlali tanki T-62M (U), zatym ich vykarystoŭvali na vajnie va Ukrainie. Analityki adznačajuć, što źniaćcie z zachoŭvańnia T-54/55 zafiksavana imi ŭpieršyniu.
Pa spadarožnikavych zdymkach CIT ustanaviła, što ŭ pieryjad z červienia pa listapad 2022 hoda bazu ŭ Arsieńjevie pakinuŭ jak minimum 191 tank — vierahodna, u asnoŭnym T-62. U realnaści ich kolkaść moža być značna bolšaj, adznačajecca ŭ publikacyi.
CIT taksama adznačaje niedachopy tankaŭ T-54 i T-55: adsutnaść dalnamieraŭ, balistyčnych vyličalnikaŭ, sistem kiravańnia ahniom, prymityŭnyja pryceły i niepaŭnavartasnyja stabilizacyjnyja pryłady (u T-54).
«Nam ciažka nazvać mahčymyja śfiery vykarystańnia hetych tankaŭ, ale ŭ lubym vypadku razam sa zdymańniem z zachoŭvańnia BTR-50 i ŭstanoŭkaj na [bronietransparciory] MT-ŁB karabielnych zienitak heta adnaznačna śviedčyć ab surjoznych prablemach z zabieśpiačeńniem US RF braniatechnikaj», — ličać analityki.
- Tank T-54 byŭ stvorany na bazie T-44 i pryniaty na ŭzbrajeńnie ŭ 1946 hodzie.
- Sieryjnaja vytvorčaść praciahvałasia da 1959 hoda, usiaho było vypuščana bolš za 20 tysiač T-54. U jaho taksama jość mnostva madyfikacyj.
- Źniaty z uzbrajeńnia Rasii ŭ 1994 hodzie.
- Tank T-55 byŭ stvorany na bazie T-54 i vyrablaŭsia da 1979 hoda.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary