Łukašenka: Z boku terarystaŭ užyvalisia hranaty i zbroja, rychtavalisia terakty ŭ dačynieńni da hramadzian i słužbovych asob
Łukašenka ŭ čarhovy raz sabraŭ naradu ź siłavikami. Tema narady, pavodle jaho, — nacyjanalnaja biaśpieka i situacyja ŭ siłavym błoku. Nasamreč, usie čakali infarmacyi pra toje, što, pa aficyjnaj viersii, adbyłosia ŭ Hrodnie.
Pavodle Łukašenki, u Hrodnie «śpiecsłužby spracavali bliskuča».
«Kanfiskavany ceły arsienał zbroi i vybuchoŭki, jakija pryznačalisia dla «hučnych» teraktaŭ u dačynieńni da hramadzian i słužbovych asob dziaržaŭnych orhanaŭ. Za što małajcy našy chłopcy — pry takoj vostraj situacyi, kali z boku terarystaŭ užyvalisia hranaty i zbroja, nie zahinuŭ ni adzin supracoŭnik hrupy «Alfa». Dobraja apieracyja, dobraja praca».
«Puł pieršaha» napisaŭ, što Łukašenka na naradzie raspavioŭ pra «zatrymańnie terarysta ŭ Hrodnie». Pavodle viadomaj aficyjnaj infarmacyi, inšaziemiec byŭ zastreleny, pra zatrymańni nie paviedamlałasia.
Asobu zabitaha dahetul nie raskryli. Jak i toje, hramadzianinam jakoj krainy jon źjaŭlaŭsia i jakija terakty płanavaŭ.
Na naradu byli zaprošanyja pradstaŭniki orhanaŭ prakuratury, Kamiteta dziaržkantrolu, Śledčaha kamiteta, KDB, MUS, Minabarony, MNS, Dziaržpahrankamiteta, Dziaržaŭnaha kamiteta sudovych ekśpiertyz, sudoŭ, kiraŭniki rehijonaŭ.
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
-
Vyjšaŭ na svabodu palitźniavoleny fanat Cimur Pipija
-
«Uciakali ad mihrantaŭ i hiendarnaj ideałohii». Prapahanda pakazała jašče adnu siamju kovid-dysidentaŭ, jakaja pierabrałasia z Hiermanii ŭ Biełaruś
Kamientary