Na Netflix vychodzić novy dakumientalny film pra hihanta porna-industryi Pornhub
U trejlery filma siarod inšaha zakranajucca abvinavačańni ŭ seks-handli i inšyja ćmianyja staronki z historyi isnavańnia servisa.
Na Netflix vychodzić dakumientalnaja stužka Money Shot, film pra adnaho z najbujniejšych hulcoŭ na rynku porna-industryi — Pornhub. U filmie intervju z vykanaŭcami, aktyvistami i byłymi supracoŭnikami dazvolać hledaču pahłybicca ŭ mnohija skandały i pośpiechi, jakich dasiahnuŭ resurs za amal 16 hadoŭ svajho isnavańnia.
Siarod inšaha, u svajoj dakumientałcy aŭtary razhladajuć pytańni seksualnaj ekspłuatacyi, a taksama abvinavačvańni na adras Pornhub u raźmiaščeńni porna biez zhody, kali ŭ 2020 hodzie matčynaja kampanija — uładalnik servisu — MindGeek — sutyknułasia z pazovam u suviazi ź mierkavanaj manietyzacyjaj materyjałaŭ z seksualnym hvałtam nad dziećmi i inšaha niezakonnaha kantentu. Tady kampanija za adnu noč vydaliła miljony zapampavanych videa ad niepravieranych karystalnikaŭ i adhetul uzmacniła kantrol dy praviły raźmiaščeńnia kantentu inšymi karystalnikami.
Dakumientalny film, padobna, vychodzić za miežy tolki adnaho servisu Pornhub i razhladaje inšyja aśpiekty seks-industryi. Abmiarkoŭvajucca pytańni ad straty mnohimi seks-rabotnikami i porna-akciorami akaŭntaŭ u sacyjalnych sietkach ažno da samoj idei i mahčymaści samavyjaŭleńnia.
Vy zmožacie sami pierakanacca, nakolki taktoŭny i ŭzvažany padychod u aŭtaraŭ dakumientalnaha filma, bo premjera adbyłasia na Netflix 15 sakavika.
-
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
-
Novy film z Dy Kaprya idzie amal try hadziny, a scenar da jaho pisaŭsia 20 hadoŭ. Ci varta hladzieć?
-
U Kitai aŭstralijski film puścili ŭ prakat źmienienym z dapamohaj štučnaha intelektu. Hiej-paru pieratvaryli ŭ hieterasieksualnuju
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary