Viadomy repietytar, zasnavalnik adukacyjnaha centra «100 bałaŭ» byŭ zatrymany ŭ kancy śniežnia minułaha hoda. Z taho času jon znachodzicca ŭ SIZA na Vaładarskaha. Za kratami i siamja Livianta.
Paviedamlałasia, što Jaŭhien Liviant udzielničaŭ u pierakryćci daroh i masavych parušeńniach paradku ŭ 2020 hodzie, a taksama raspačaŭ sprobu zachopu dziaržaŭnaj ułady, paviedamlaje «Narodnaja vola».
Na dniach na telekanale ANT vyjšaŭ siužet, u jakim Liviant kaža, što chacieŭ by adkrucić usio nazad. Jon razhladaŭ mahčymaść źviarnucca ŭ niadaŭna stvoranuju śpieckamisiju, jakaja razhladaje pytańni viartańnia biełarusaŭ z-za miažy.
«Adukacyja pavinna być pa-za palitykaj… — kaža Liviant u intervju ANT. — Maja pryncypovaja pamyłka zaklučałasia ŭ tym, što mnie nie chapiła ŭ toj momant mazhoŭ. Kali voś hetyja fatahrafii 16 žniŭnia (havorka idzie pra fotazdymki, zroblenyja padčas akcyj pratestu ŭ 2020 hodzie) byli zroblenyja, mnie patelefanavali. Ja znachodziŭsia na moście, kali mnie patelefanavali, pradstavilisia słužbaj pratakołu, skazali, što stvarajecca kaardynacyjnaja rada ź biznesmienaŭ i inšych ludziej. Mnie nazvali imiony dvuch viadomych biznesmienaŭ, ni adzin ź jakich, jak potym akazałasia, nie ŭvajšoŭ u Kaardynacyjnuju radu. Ja spytaŭ: A chto tam budzie ŭdzielničać? Mnie nazvali dva imieni. Tam byŭ były moj vučań, Ivan Kraŭcoŭ (ciapier jon znachodzicca za miažoj)…
Majo hałoŭnaje hłupstva, maja pamyłka, maja adkaznaść u tym, što ja pryniaŭ udzieł u tym, u čym nie raźbirajusia.
Mnie nie chaciełasia b kazać: voś, mianie, staroha ci nie vielmi razumnaha nastaŭnika raźviali. Heta maja pamyłka i mnie za jaje adkazvać. Ja ź siabie adkaznaści nie zdymaju i pierakładać jaje ni na kaho nie chaču…
Ja chaču viarnucca da svajoj pracy, chaču viarnucca da svajoj siamji…
Mnie pavinna było chapić mazhoŭ u pieršuju čarhu, razvažlivaści, zdarovaha sensu, kab žorstka nastajać na tym, kab nichto z nas, nie tolki ja, nie braŭ udziełu ŭ mitynhu ci akcyjach, jakija byli zabaronienyja, supiarečyli biełaruskamu zakonu. Ja pavinien byŭ heta zrabić, ale ja hetaha nie zrabiŭ. Za heta nie pryciahvajuć da adkaznaści, niama takoha artykuła Kryminalnaha kodeksa, ale jość bolš strašnyja artykuły. Kali kazali pra sumleńnie, pra ŭnutranyja pieražyvańni, heta dla mianie vielmi ciažkaja historyja».
Padčas siužetu Liviant raspaviadaje, što chacieŭ źviarnucca ŭ kamisiju, jakaja razhladaje pytańni viartańnia biełarusaŭ z-za miažy.
«Mnohija z tych, chto znachodzicca ŭnutry krainy, usio roŭna ŭ miescach źniavoleńnia, u SIZA, jany taksama chacieli b źviarnucca ŭ hetuju kamisiju z anałahičnaj prośbaj»»
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
- Ramzies 4.
- otkuda uznali?
- sam priznałsia...."
Etot aniekdot vspominajetsia každyj raz, kohda čitaješ ob "samorazobłačienych vidieo intierv́ju".