Virusnyja infiekcyi: dziesiać praktyčnych paradaŭ, jak lačycca

Faktyčna adzinym preparatam, zdolnym razburyć virus śvinoha hrypu, źjaŭlajecca aziełtamivir, kamiercyjnaje imia — tamiflu. Tearetyčna jość jašče adno lakarstva (azieltamivir), ale jano vykarystoŭvajecca tolki inhalacyjna, dy i šancaŭ ubačyć jaho ŭ našaj krainie niašmat.

Tamiflu realna razburaje virus, błakujučy białok niejraminidazu (tuju samuju N ŭ naźvie H1N1).

Tamiflu nie jaduć usie pahałoŭna pry lubym čychu. Jaho vykarystoŭvajuć tady, kali chvaroba praciakaje ciažka abo kali navat lohka chvareje čałaviek z hrupy ryzyki — staryja, astmatyki, dyjabietyki. Sutnaść: kali pakazana Tamiflu, to pakazana, jak minimum, nazirańnie doktara i, jak praviła, — špitalizacyja.

Uvaha!

Da absalutnaj, da pieravažnaj bolšaści z tych, chto čytaje hetyja radki, lačeńnie supraćvirusnyja srodkami nie maje nijakaha dačynieńnia.

Hryp — lohkaja chvaroba dla bolšaści. Lačeńnie vostrych reśpiratornych virusnych infiekcyj naohuł i hrypu ŭ pryvatnaści — heta nie hłynańnie tabletak! Heta stvareńnie takich umoŭ, kab arhanizm lohka ź virusam spraviŭsia.

Praviły lačeńnia.

1. Ciopła apranucca, ale ŭ pakoi chaładnavata i vilhotna. Tempieratura kala 20° S, vilhotnaść 50–70%. Myć padłohu, pravietryvać.

2. Kateharyčna nie prymušać jeść. Kali prosić (kali chočacca) — lohkaje, vuhlavodnaje, vadkaje.

3. Pić (paić). Pić (paić). Pić (paić)!!!

Tempieratura vadkaści roŭnaja tempieratury cieła. Pić šmat. Kampoty, morsy, harbatu (u harbatu drobna parezać jabłyk), advary razynak, kurahi. Idealna dla pićcia — hatovyja rastvory dla pieraralnaj riehidratacyi. Pradajucca ŭ aptekach i pavinny tam być: riehidron, chumana elektralit, hastralit i h.d. Kuplajcie, razvodźcie pa instrukcyi, paicie.

4. U nos — časta solevyja rastvory.

5. Usie «adciahvajučyja pracedury» (banki, horčyčniki, pryparki, nohi ŭ kipień i h.d.) — taksama z razradu psichaterapii.

6. Kali nadumali zmahacca z vysokaj tempieraturaj — tolki paracetamoł abo ibuprafien. Kateharyčna nielha aśpiryn.

7. Pry paražeńni vierchnich dychalnych šlachoŭ (nos, horła, hartań) nijakija adcharkvajučyja srodki nie patrebnyja — jany tolki ŭzmocniać kašal.

8. Supraćalerhičnyja srodki nie majuć da lačeńni VRVI nijakaha dačynieńnia.

9. Usie interfierony dla miascovaha prymianieńnia — leki ź niedaviedzienaj efiektyŭnaściu abo «leki» z dakazanaj nieefiektyŭnaściu.

10. Hamieapatyja — heta nie lačeńnie travami, a lačeńnie zaradžanaj vadoj. Biaśpiečna.

Kali patrebny doktar? Zaŭsiody!

Ale heta nierealna. Tamu pieraličvajem situacyi, kali ŭrač patrebny abaviazkova:

adsutnaść palapšeńniaŭ na čaćviorty dzień chvaroby;

pavyšanaja tempieratura cieła na siomy dzień chvaroby;

paharšeńnie paśla palapšeńnia;

vyražany ciažar stanu pry ŭmieranych simptomach VRVI;

źjaŭleńnie izalavana abo ŭ spałučeńni: blednaści skury; smahi, adyški, intensiŭnaha bolu, hnojnych vydzialeńniaŭ;

uzmacnieńnie kašlu, źnižeńnie jaho pradukcyjnaści; hłyboki ŭdych pryvodzić da prystupu kašlu;

pry pavyšeńni tempieratury cieła nie dapamahajuć, praktyčna nie dapamahajuć abo vielmi nienadoŭha dapamahajuć paracetamoł i ibuprafien.

Doktar patrebny abaviazkova i terminova:

strata prytomnaści;

sutarhi;

prykmiety dychalnaj niedastatkovaści (ciažkaści dychańnia, adyška, adčuvańnie niedachopu pavietra);

intensiŭny bol dzie zaŭhodna;

navat umierany bol u horle pry adsutnaści nasmarku;

navat umierany hałaŭny bol u spałučeńni z vanitavańniem;

aciočnaść šyi;

vysypka, jakaja nie źnikaje pry naciskańni na jaje;

tempieratura cieła vyšejšaja za 39 ° S, jakaja nie pačynaje źnižacca praz 30 chvilin paśla prymianieńnia haračkapanižalnych srodkaŭ;

luboje pavyšeńnie tempieratury cieła ŭ spałučeńni z dryžykami i blednaściu skury.

Usie naviny na temu epidemii hrypu, parady, daviedki i žarty

• 0
• 0
• 0
• 0
• 0
• 0
• 0
• 0