«Narod ža čakaŭ vyzvalicielaŭ, a pryjšli, b…, akupanty». Va Ukrainie apublikavali zapisy razmoŭ miljardera-kałabaranta Viačasłava Bahusłajeva
Prajekt «Schiemy» (naležyć da ŭkrainskaj redakcyi «Radyjo Svaboda») apublikavaŭ razmovy hanarovaha prezidenta zaparožskaha pradpryjemstva «Mator Sič» Viačasłava Bahusłajeva z rasijskimi čynoŭnikami i biznesmienami, jakija majuć suviazi ŭ rasijskim vajskovym kamandavańni.
Padčas zvankoŭ Bahusłajeŭ aburajecca, što rakieta «Iskander-M» upała na terytoryju jahonaha zavoda, a jaho ŭ adkaz zapeŭnivajuć, što «Mator Sič», maŭlaŭ, bierahuć jak zrenku voka.
Paźniej Bahusłajeŭ havoryć pra rasijskaje maradziorstva, a jaho znoŭ zapeŭnivajuć: hetaha nie było.
Bahusłajeŭ taksama raskazvaje, što rasijskija vojski raskrali jahonaje ahrapradpryjemstva i terminał u porcie Biardzianska, zabrali adtul zbožža i abstalavańnie.
«Narod ža čakaŭ vyzvalicielaŭ, a pryjšli, b…, akupanty», — aburajecca jon.
Viačasłaŭ Bahusłajeŭ naradziŭsia ŭ 1938 hodzie ŭ kazachstanskim Uralsku, tam ža pravioŭ dziacinstva i junactva, a ŭ Zaparožža pryjechaŭ na pracu ŭ 1961 hodzie i z toj pary tam i žyŭ, dasłužyŭšysia ŭrešcie da kiraŭnika adnaho z samych bujnych pramysłovych pradpryjemstvaŭ va Ukrainie. U tym ža 2000 hodzie jon, darečy, atrymaŭ i hanarovaje zvańnie Hieroja Ukrainy, jakoje z pačatku druhoha prezidenckaha terminu Leanida Kučmy stali razdavać va Ukrainie davoli masava, u tym liku vysokim čynoŭnikam i dyrektaram bujnych pradpryjemstvaŭ.
22 kastryčnika minułaha hoda Bahusłajeva zatrymała SBU pa padazreńni ŭ kałabaracyjnaj dziejnaści i dapamozie dziaržavie-ahresaru. Havorka idzie pra kryminalnuju spravu adnosna niezakonnaj pastaŭki z boku «Mator Sič» tavaraŭ vajskovaha pryznačeńnia dla rasijskaj šturmavoj avijacyi, prytym heta rabiłasia ŭžo navat paśla pačatku poŭnamaštabnaj vajny pamiž Rasijaj i Ukrainaj.
SBU adšukała aktyvy prezidenta «Mator Sič» Viačasłava Bahusłajeva na miljony dalaraŭ
Zatrymany za dziaržaŭnuju zdradu dyrektar pradpryjemstva «Mator Sič» bolš za 20 hadoŭ maje rasijskaje hramadzianstva
SBU paviedamiła, u čym padazrajecca Hieroj Ukrainy Bahusłajeŭ
Va Ukrainie SBU zatrymała Hieroja Ukrainy, adnaho z najbahaciejšych ludziej krainy
Kamientary
Jašče adzin jaskravy dokaz taho, što luby samy navukovy mieniedžmient musić mieć u sabie humanitarny śvietapohladny škilet.
odin čiełoviek zvał putina v modieratory pieriehovorov
druhoj rasstraivałsia, čto jeho nie słyšat v kriemle
trietij hovorił, čto v moskvie prosto nado vsie objaśniť čtoby ona pieriestała poddierživať riežim v rb i pomohła so smienoj vłasti
čietviertyj priedłahał podpisať lubyje dokumienty o niejtralnom statusie rb v buduŝiem i otkazie ot jevrointiehracii za poddieržku ot putina (etot čiełoviek javlajetsia polit. sovietnikom i pravoj rukoj piervoho upomianutoho zdieś hieroja)
vsie eti ludi na siehodnia sčitajutsia lidierami bieł. oppozicii, kotorych poddierživajet miestnoje nasielenije i śmi