Minenierha ZŠA dapuściła, što pandemija COVID pačałasia z pryčyny ŭciečki z kitajskaj łabaratoryi. Piekin raskrytykavaŭ teoryju i nahadaŭ pra vysnovy SAAZ. Arhanizacyja skardziłasia na admovu KNR dać patrebnyja źviestki dla rasśledavańnia.
Nieabchodna spynić dyskredytavać Kitaj i palityzavać pytańnie pachodžańnia karanavirusa, zajaŭlajučy ab mahčymaj uciečcy COVID-19 z kitajskaj łabaratoryi, skazała na bryfinhu pradstaŭnik MZS Kitaja Maa Nin.
Jana nahadała, što sumiesnaja navukovaja hrupa Suśvietnaj arhanizacyi achovy zdaroŭja (SAAZ) i Kitaja pryjšła da vysnovy, što takoje pachodžańnie karanavirusa małavierahodna, z hetym pahadzilisia ŭ mižnarodnaj supolnaści i navukovym asiarodździ.
Minenerha ZŠA miarkuje, što karanavirus raspaŭsiudziŭsia z pryčyny ŭciečki z kitajskaj łabaratoryi, raspaviali na minułym tydni krynicy The Wall Street Journal. Raniej anałahičnuju teoryju ŭ jakaści «praŭdapadobnaj» prapanavała razhladać Nacyjanalnaja łabaratoryja ŭrada ZŠA, jaje taksama padtrymali ŭ FBR, ale nacraźviedka vykazvała sumnievy ŭ takoj viersii. Jašče čatyry raźviedvalnyja ahienctvy padtrymlivajuć naturalnuju teoryju pachodžańnia virusa, dva nie vyznačylisia, udakładniała hazieta. «Ciapier va ŭradzie ZŠA niama adzinaha mierkavańnia ab tym, jak mienavita pačaŭsia Covid», — skazaŭ pradstaŭnik Biełaha doma Džon Kirbi ŭ kancy lutaha.
SAAZ paśla pačatku pandemii pačała rasśledavańnie pachodžańnia infiekcyi. Užo ŭ lutym taho hoda ŭ arhanizacyi zajavili ab admovie Kitaja dać nieabchodnyja zychodnyja danyja ab 174 vypadkach karanavirusa, jakija byli vyjaŭleny ŭ horadzie Uchań u śniežni 2019 hoda. Ekśpierty SAAZ paličyli na padstavie najaŭnych dadzienych, što łabaratornaje pachodžańnie «vielmi małavierahodna».
U dalejšym Piekin admoviŭsia dapamahčy SAAZ daśledavać viersiju ab łabaratornaj uciečcy i abvinavaciŭ arhanizacyju ŭ palityčnym paziorstva. Kiraŭnik SAAZ Tedras Adanam Hiebrejesus dapuskaŭ, što virus moh źjavicca ŭ kitajskaj łabaratoryi: «Ja sam byŭ łabarantam, ja imunołah, pracavaŭ u łabaratoryi i viedaju, što ŭ łabaratoryi zdarajucca incydenty. Tak byvaje». Dalejšaje daśledavańnie pachodžańnia virusa SAAZ prypyniła z-za procidziejańnia Kitaja, piša RBK.
ŚMI: Vierahodnaja pryčyna pandemii karanavirusa — uciečka z kitajskaj łabaratoryi
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
Spravka-Isśledovanije usilenija funkcii (GoF ili GoFR) - eto miedicinskije isśledovanija, kotoryje hienietičieski iźmieniajut orhanizm takim obrazom, čto mohut povysiť biołohičieskije funkcii hiennych produktov. Eto možiet vklučať v siebia iźmieniennyj patohieniez, tranśmiśsivnosť ili diapazon choziaina, to jesť tipy choziajev, kotorych možiet zaraziť mikroorhanizm.
Vyvody sdiełajtie sami.