Rasijski samalot A-50 u Mačuliščach moža być surjozna paškodžany — pra heta śviedčyć adna detal
Pra toje, što daść dyviersija na aeradromie Mačuliščy ŭkrainskamu vojsku, razvažaŭ u efiry «Jeŭraradyjo» vajskova-palityčny ahladalnik hrupy «Infarmacyjny supraciŭ» Alaksandr Kavalenka.
Samalot DRŁV A-50 — unikalny, takich na ŭzbrajeńni ŭ Rasii nie bolš za dzieviać, ale nie ŭsie jany byli bajazdolnyja. Košt takoha samalota bolš za 300 miljonaŭ dalaraŭ.
Alaksandr Kavalenka tłumačyć: A-50 — asnoŭny dla ŭkazańniaŭ pa naniasieńni rakietnych udaraŭ pa terytoryi Ukrainy.
«My možam paraŭnoŭvajuć jaho z rakietnym krejsieram «Maskva». Takich karabloŭ isnavała ŭsiaho try, na siońnia Rasija nie maje mahčymaści pabudavać jašče adzin taki karabiel. Heta niezvarotnyja straty».
Vyrabić novy samalot, na dumku ekśpierta, ciapier taksama niemahčyma, bo sankcyi, jakimi abkładziena Rasija, nie dajuć karystacca technałohijami, jakija raniej dazvolili madernizavać A-50.
U noč z 26 na 27 lutaha pa terytoryi Ukrainy byŭ ździejśnieny nalot dronami-kamikadze «Šachied». Adrazu paśla hetaha adbyŭsia vylet MiH-31K z terytoryi Biełarusi. Ale hetym razam čamuści A-50 ich nie supravadžaŭ.
Tamu Kavalenka miarkuje, što rasijski samalot u Mačuliščach maje surjoznyja paškodžańni i nie moža vykonvać svaje funkcyi.
U prajekta «Biełaruski Hajun» infarmacyi pra vylet MiH-31K učora nie było.
Raniej «Bajpoł» paviedamlaŭ, što ŭ vyniku dvuch vybuchaŭ paciarpieli piaredniaja i centralnaja častki samalota, paškodžanaja avijonika i radyjołakacyjnaja antena.
«Kali budzie ramont, to jon nie adbudziecca za miesiac ci za dva, heta buduć praciahłyja ramontnyja raboty abo toj samalot budzie vyklučany sa składu.
Na terytoryi Biełarusi taki ramont nierealny, chiba tolki rasijanie pryviazuć svaju bryhadu, jakaja budzie ramantavać samalot na praciahu 2—3 hadoŭ», — vykazaŭsia vajskovy ahladalnik.
Što padryŭ hetaha rasijskaha samalota daść ukrainskamu vojsku?
«Hety A-50 možna zamianić, ale ŭźnikaje pytańnie: chto harantuje, što z tym druhim A-50 nie zdarycca na terytoryi Biełarusi jaki-niebudź incydent? Na situacyju ŭ zonie bajavych dziejańniaŭ jano budzie mieć svoj upłyŭ, navat banalna z naviadzieńniem rakietnaj zbroi avijacyjnaha baziravańnia, z karektavańniem kaardynat užo ŭźnikajuć prablemy.
Takija samaloty dapaŭniali infarmacyju zbroi, kab toje naviadzieńnie było bolš dakładnym. Takim čynam, my možam kanstatavać, što na siońnia ŭ ich efiektyŭnaść vykarystańnia hetaj zbroi moža źmienšycca.
Druhi momant — jany buduć mieć mienš infarmacyi pra pieramiaščeńnie našych vojsk, znachodžańnie našaj avijacyi ŭ pavietranaj prastory», — ličyć ahladalnik.
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary