Na Homielščynie padletak, jaki sam byŭ achviaraj piedafiła, hvałtavaŭ małodšuju siastru
Złačynstva zdaryłasia ŭ šmatdzietnaj siamji ŭ adnym z rajcentraŭ Homielskaj vobłaści, paviedamlaje «Homielskaja praŭda». Padletak prajaŭlaŭ niezdarovuju cikaŭnaść da małaletniaj siastry i na praciahu doŭhaha času jon prymušaŭ dziaŭčynku da «darosłych» adnosin. Heta vyśvietliłasia dziakujučy psichałahičnamu teściravańniu ŭ škole, paśla jakoha dyrektarka źviarnułasia ŭ milicyju.

Padčas śledstva vyśvietliłasia, što chłopiec raniej sam padvierhnuŭsia seksualnym damahańniam z boku darosłaha mužčyny. A praź niejki čas achviara prymierała na siabie rolu hvałtaŭnika.
Jak rastłumačyŭ na dopycie niepaŭnaletni, jon uśviedamlaŭ supraćzakonnaść pałavych adnosin z maleńkaj siastroj, adnak byŭ upeŭnieny, što pra heta nichto nie daviedajecca.
Sud pryznaŭ padletka vinavatym i asudziŭ jaho da dzieviaci hadoŭ pazbaŭleńnia voli ŭ vychavaŭčaj kałonii.
Kolki hadoŭ złačyncu i jaho achviary, nie paviedamlajecca.
Čytajcie taksama:
Piedafiły šukajuć achviar na papularnaj stryminhavaj płatformie. Jana dazvalaje im nazirać za dziećmi ŭ žyvym efiry
«Seksualnaja aryjentacyja časta biez adchileńniaŭ». U Biełarusi skłali partret typovaha piedafiła
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia
Kamientary