U ISW patłumačyli, čamu Pucin nie prakamientavaŭ hadavinu ŭvarvańnia Rasii va Ukrainu
Uładzimir Pucin pasprabuje pradstavić katastrafičnyja vajennyja niaŭdačy Rasii jak nieabchodny vopyt, ličać analityki Instytuta vyvučeńnia vajny (ISW).
Kreml nijak nie prakamientavaŭ pieršuju hadavinu poŭnamaštabnaha ŭvarvańnia Rasii va Ukrainu 24 lutaha, vierahodna, tamu, što Rasija nie zmahła dasiahnuć nivodnaj sa svaich zajaŭlenych metaŭ i nie mieła značnych terytaryjalnych dasiahnieńniaŭ ź lipienia 2022 hoda.
Prezident Rasii i jaho administracyja nie zrabili nijakich zajaŭ z nahody hetaj hadaviny, choć Pucin nieadnarazova vystupaŭ na publicy na praciahu apošnich troch dzion.
Namieśnik staršyni Rady biaśpieki Rasii Dźmitryj Miadźviedzieŭ zrabiŭ pravakacyjnyja zajavy ab tym, što Rasija pieramoža ŭ vajnie, i dadaŭ, što dla dasiahnieńnia svaich metaŭ Rasii žyćciova važna «adsunuć miežy pahrozaŭ jak maha dalej, navat kali heta buduć miežy Polščy».
«Zajavy Miadźviedzieva padkreślivajuć toj fakt, što Kreml praciahvaje pieraśledavać svaje nierealistyčnyja maksimalisckija mety, navat niahledziačy na toje, što jon nie moža prapanavać rasijskamu narodu nijakich značnych pośpiechaŭ paśla hoda darahoj vajny va Ukrainie», — havorycca ŭ spravazdačy ISW.
Analityki miarkujuć, što rasijskija čynoŭniki, vierahodna, šukajuć padtrymki ŭ kitajskich abaronnych vytvorcaŭ z-za abmiežavańniaŭ, jakija mižnarodnyja režymy sankcyj nakłali na rasijskuju abaronnuju pramysłovaść.
Ekśpierty nahadvajuć, što ŭrad Vialikabrytanii i Ministerstva finansaŭ ZŠA 24 lutaha abviaścili ab novych sankcyjach i mierach pa zabaronie ekspartu, nakiravanych na haliny, arhanizacyi i asobnych asob, jakija padtrymlivajuć rasijski vajskovy patencyjał.
Akramia taho, havorycca ŭ spravazdačy, urady zachodnich krain 24 lutaha zrabili roznyja zajavy ab pieradačy vajskovaj dapamohi Ukrainie.
Taksama ekśpierty adznačajuć, što Kreml uzmacniŭ infarmacyjnuju padrychtoŭku da mahčymaj apieracyi pad čužym ściaham u akupavanym Rasijaj Prydniastroŭi (Małdova).
Niekatoryja rasijskija miłbłohiery ŭzmacnili rytoryku Kramla, śćviardžajučy, što situacyja ŭzdoŭž miažy Ukrainy i Prydniastroŭja stanovicca ŭsio bolš napružanaj, adznačajuć ekśpierty. I nahadvajuć, što 24 lutaha aficyjnyja asoby Małdovy praciahvali admaŭlać rasijskija zajavy, charaktaryzujučy ich jak «ahresiŭnuju dezynfarmacyju» abo «psichałahičnuju apieracyju».
-
Zahinuŭ hienierał, jakomu tolki paŭmiesiaca tamu dali Hieroja Rasii. Hety 17‑y zabity rasijski hienierał. Ukraina nie straciła nivodnaha
-
Bilecki paćvierdziŭ ukrainski nastup pad Limanam i raskazaŭ niekalki detalaŭ
-
Daroha dadomu, jakaja pakul viadzie praz front. U Kijeva-Piačerskaj łaŭry pakazvajuć historyju Pałka Kalinoŭskaha
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Armiak,kušak,onuči,łapti, a nie mirovoje viałyčyje i sobiranije «iskonno-russkich»ziemiel. Ni chrusta francuzskoj bułki,ni Sien-Tropie,ni Miłana, ni-čie-ho'.
Bieznadiožno nieobučajemyje.